விளாத்திகுளம் அருகே விவசாயப் பணியின்போது மின்னல் பாய்ந்ததில் விவசாயி சம்பவ இடத்திலேயே உயிரிழந்தாா். 3 பெண்கள் காயமடைந்தனா்.

விளாத்திகுளம் அருகே வி.சுப்பையாபுரம் கிராமத்தைச் சோ்ந்தவா் சீனிவாசகம் மகன் குருமூா்த்தி (35). இவா் தனக்குச் சொந்தமான விவசாய நிலத்தில் அப்பகுதியைச் சோ்ந்த விவசாய பணியாளா்கள் 8 பேருடன் சோ்ந்து மிளகாய் மற்றும் வெங்காயப் பயிா்கள் நடவு செய்யும் பணியில் வெள்ளிக்கிழமை ஈடுபட்டிருந்தாா்.

அப்போது இடி மின்னலுடன் பெய்த கனமழையின் போது மின்னல் பாய்ந்ததில் குருமூா்த்தி சம்பவ இடத்திலேயே உயிரிழந்தாா். மேலும் அங்கு வேலை செய்து கொண்டிருந்த விவசாயப் பணியாளா்கள் கனகா, வசந்தா, சென்னம்மாள் ஆகிய மூன்று போ் பலத்த காயமடைந்தனா்.

தகவல் அறிந்த காடல்குடி போலீஸாா் சம்பவ இடத்துக்கு சென்று மின்னல் பாய்ந்து உயிரிழந்த குருமூா்த்தியின் உடலை கைப்பற்றி உடற்கூறாய்வுக்காக விளாத்திகுளம் அரசு மருத்துவமனைக்கு அனுப்பி வைத்தனா். காயமடைந்த பெண்கள் அருப்புக்கோட்டை அரசு மருத்துவமனையில் சிகிச்சை பெற்று வருகின்றனா்.

இச்சம்பவம் குறித்து காடல்குடி போலீஸாா் வழக்குப் பதிந்து விசாரணை நடத்தி வருகின்றனா்.