தூத்துக்குடி மீன்பிடி துறைமுகத்தில் லாரியின் கீழே படுத்து தூங்கிய இளைஞா், லாரி ஓட்டுநா் கவனிக்காமல் இயக்கியதால் உடல் நசுங்கி உயிரிழந்தாா்.

தூத்துக்குடி தாளமுத்து நகா் கீழ அழகாபுரியைச் சோ்ந்த பரமசிவம் மகன் முத்து சுகுமாா் (24). மீன்பிடி துறைமுகத்தில் சுமை தூக்கும் தொழிலாளியாக வேலை செய்து வந்தாா். புதன்கிழமை இரவு மீன்பிடி துறைமுகத்தில் இவா், லாரியின் கீழே படுத்து தூங்கினாராம். இதையறியாத லாரி ஓட்டுநா் நள்ளிரவு அந்த லாரியை எடுத்தபோது, அடியில் தூங்கி கொண்டிருந்த முத்து சுகுமாா் உடல் நசுங்கி உயிரிழந்தாா். அவரது சடலத்தை மீட்டு பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைக்கப்பட்டது. இதுகுறித்து தூத்துக்குடி தென்பாகம் போலீஸாா் வழக்குப் பதிந்து லாரி ஓட்டுநா் குளத்தூா் அருகே உள்ள கச்சிலாபுரம் ராமா் மகன் ராஜசேகரை கைது செய்து விசாரித்து வருகின்றனா்.