அரியலூர் மாவட்ட விளையாட்டு அரங்கில் பசுபதி மற்றும் டாக்டர் அப்துல் சாதிக் நினைவு ஹாக்கி கழகம் சார்பில் மாநில அளவிலான ஹாக்கி போட்டிகள் புதன்கிழமை தொடங்கியது.
பசுபதி மற்றும் டாக்டர் அப்துல் சாதிக் நினைவு ஹாக்கி கழகம் சார்பில் கடந்த 40 ஆண்டுகளாக மாவட்ட அளவிலான ஹாக்கி போட்டிகள் நடத்தப்பட்டு வருகின்றன. 11 ஆண்டுகளாக மாநில ஹாக்கி போட்டிகள் நடத்தப்பட்டு வருகிறது.
நிகழாண்டு புதன்கிழமை மாநில அளவிலான போட்டிகள் தொடங்கியது. 20ஆம் தேதி வரை நடைபெறும் இந்த போட்டியில், இந்தியன் ஓவர்சீஸ் வங்கி, வாடிப்பட்டி எவர்கிரீன் அணி, திருச்சி சோழன் அணி, சென்னை நகர போலீஸ் அணி, எப்.சி.ஐ. ராமநாதபுரம் மாவட்ட அணி, அரியலூர் ஹாக்கி அணி, ஐசிஎப். தெற்கு ரயில்வே அணி, தமிழ்நாடு போலீஸ் அணி ஆகிய 16 அணிகள் கலந்து கொள்கின்றன.