அரியலூர்

சாலை விபத்து விழிப்புணா்வு பலகைகளைச் சீரமைக்க கோரிக்கை

DIN

அரியலூா் மாவட்டத்தில் சாலை விபத்துகளைக் குறைக்கும் விதமாக சாலையோரங்களில் அமைக்கப்பட்டு செயல்படாமல் உள்ள டிஜிட்டல் விளம்பர பலகைகளை சீரமைக்க வேண்டுமென சமூக ஆா்வலா்கள் கோரிக்கை விடுத்துள்ளனா்.

அரியலூா் மாவட்டத்தில் நிகழும் சாலை விபத்துக்களைக் கட்டுப்படுத்தும்விதமாக மாவட்ட காவல் கண்காணிப்பாளா் ஆா்.ஸ்ரீனிவாசன் மாவட்ட முழுவதும் பல்வேறு விழிப்புணா்வு நிகழ்ச்சிகளை காவல்துறையினா்களை கொண்டு செய்து வருகிறாா்.

அதில் முக்கிய சாலைச் சந்திப்புகளில் வேகத்தடைகள், கண்டறியப்பட்ட விபத்து பகுதிகளில் பேரிகாா்டா்கள், கிராம புறங்களிலிருந்து முக்கிய சாலை சந்திக்கும் இடங்களில் வேகத்தடைகள், இருசக்கர வாகன ஓட்டிகள் கட்டாயம் தலைக்கவசம் அணியவேண்டும். நான்கு சக்கர வாகனங்கள் உள்ளிட்ட கனரக வாகனங்கள் ஓட்டுபவா்கள் சீட் பெல்ட் அணிய வேண்டும் உள்ளிட்ட பல்வேறு விழிப்புணா்வுகளை மாவட்டம் முழுவதும் அந்தந்த பகுதி காவல் நிலைய காவலா்களைக் கொண்டு செய்து வருகிறாா்.

இந்நிலையில், வாகன ஓட்டிகளின் கவனத்தை ஈா்க்கும் வகையிலும், அவரை நம்பியுள்ள குடும்பத்தினா், அவருடன் பயணிக்கும் மக்களை எடுத்து காட்டும் வகையிலும், வாகனத்தை எந்த வேகத்தில், எந்த விதிமுறைப்படி ஓட்ட வேண்டும் என பல்வேறு விழிப்புணா்வு வாசகங்கள் வந்து செல்லும் வகையில், மாவட்ட ஆட்சியா் அலுவலக வளைவு, கீழப்பழுவூா் புதிய பேருந்து நிலையம், சாத்தமங்கலம், ஜயங்கொண்டம், செந்துறை என பல்வேறு முக்கிய இடங்களில் மாவட்ட காவல்துறை சாா்பில் டிஜிட்டல் விழிப்புணா்வு விளம்பர பலகைகள் சுமாா் 10 மாதங்களுக்கு முன்பு அமைக்கப்பட்டன.

இதில், சாத்தமங்கலம், கீழப்பழுவூா் புதிய பேருந்து நிலையம் அருகே அமைக்கப்பட்ட டிஜிட்டல் விழிப்புணா்வு விளம்பர பலகைகள் சில மாதங்கள் மட்டுமே செயல்பாட்டில் இருந்தன. அதன் பிறகு அவை செயல்படவில்லை. இவை செயல்பட்டால் இவற்றைக் காணும் ஓட்டுநா்களின் மனம் தனது குடும்பதினரையும், தன்னுடன் பயணிப்பவா்களையும் சற்று எண்ணவைக்கும். அதனால் விபத்து குறையும். எனவே. மாவட்ட காவல்துறை அதை விரைந்து சரிசெய்து பயன்பாட்டுக்கு கொண்டு வர வேண்டும் என சமூக ஆா்வலா்கள் கோரிக்கை விடுத்துள்ளனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பிகாரில் வெயிலின் தாக்கத்தால் மயங்கி விழுந்த மாணவர்கள்: ஜூன் 8 வரை பள்ளிகளுக்கு விடுமுறை

தேர்தலுக்குப் பின் ’குடும்ப’ அரசியல் கட்சிகளில் பிரிவினை ஏற்படும் -பிரதமர் மோடி

கிராமப்புற மின்மயமாக்கல் நிறுவனத்திற்கு நிலைத்தன்மை சாம்பியன் விருது

வாழ்வில் குழந்தைகள் வெற்றி பெற கல்வி சாராத செயல்பாடுகளும் தேவை: மத்திய கல்வித் துறை செயலா் பேச்சு

கேஜரிவால் அரசு தண்ணீா்ப் பற்றாக்குறையை தீா்க்க உறுதியான நடவடிக்கையும் எடுக்கவில்லை - வீரேந்திர சச்தேவா குற்றச்சாட்டு

SCROLL FOR NEXT