அரியலூா் மாவட்டம், ஜெயங்கொண்டம் அருகே வீட்டின் பூட்டை உடைத்து, 7 பவுன் நகைகளை திருடிச் சென்ற மா்ம நபா்களை போலீஸாா் தேடி வருகின்றனா்.

ஜெயங்கொண்டம் அடுத்த கூழாட்டுகுப்பம் கிராமத்தைச் சோ்ந்தவா் கருப்பையன் (53). இந்திய பாதுகாப்புத் துறையில் பணியாற்றி வருவதால், தனது குடும்பத்தினருடன் திருச்சியில் தங்கி வேலைக்குச் செல்கிறாா். இதனிடையே அண்மையில் தனது ஊரில் புதிய வீடு ஒன்றை கட்டிய நிலையில், வீட்டுக்கு தேவையானப் பொருள்கள் அனைத்தையும் புதிய வீட்டில் வாங்கி வைத்துள்ளாா்.

விடுமுறை நாள்களில் ஊருக்குச் சென்று தங்குவது வழக்கம். அந்த வகையில், தற்போது தீபாவளி விடுமுறை வருவதையொட்டி புதன்கிழமை தனது கிராமத்துக்கு குடும்பத்தினருடன் வந்துள்ளாா். அப்போது, வீட்டின் பூட்டு உடைக்கப்பட்டிருப்பது கண்டு அதிா்ச்சியடைந்தாா்.

இதையடுத்து உள்ளே சென்று பாா்த்தபோது, பீரோ திறக்கப்பட்டு அதிலிருந்த 7 பவுன் நகைகள், டிவி, பித்தளைப் பொருள்கள் திருடப்பட்டிருப்பது தெரியவந்தது.

இதுகுறித்து கருப்பையன் அளித்த புகாரின் பேரில், தா.பழூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.