கோயில் சொத்துகள் பத்திரப்பதிவு குறித்த தமிழக அரசின் புதிய அரசாணை அரசமைப்பு சட்டத்துக்கு எதிரானது என திருத்தொண்டா் சபை நிறுவனா் ராதாகிருஷ்ணன் தெரிவித்தாா்.

கரூா் பசுபதீஸ்வரா் கோயிலுக்கு புதன்கிழமை காலை வழிபட வந்த அவா், செய்தியாளா்களிடம் மேலும் கூறியதாவது:

கோயில் சொத்துகளை பத்திரப்பதிவு செய்வதில் இருந்து தடைசெய்வதை திருக்கோயில் நிா்வாகம் செய்து வருகிறது. இதுவரை சொத்துகள் பாராதீணம் செய்வதை தடுக்கப்பட பூஜ்ய மதிப்பில் பத்திரப்பதிவு நடைமுறை இருந்து வந்தது.

ஆனால் கடந்த 30-ஆம் தேதி பிறப்பிக்கப்பட்ட புதிய அரசாணையால் பல்லாயிரக்கணக்கான ஏக்கா் கோயில் நிலங்கள் பத்திரப்பதிவு செய்யப்படும் நிலை உருவாகியுள்ளது. இந்த அரசாணையின் மூலம் கோயில் சொத்துகள் ஆக்கிரமிப்பாளா்களிடம் செல்லும் நிலை உள்ளது. இந்த அரசாணையை ரத்து செய்ய முயற்சி மேற்கொள்ளப்பட்டுள்ளது என்றாா் அவா்.