பெரம்பலூர் மாவட்டத்தில் புதன்கிழமை நடைபெற்ற ஜமாபந்திகளில் பெறப்பட்ட 322 மனுக்களில் 152 மனுக்களுக்கு உடனடித் தீர்வு காணப்பட்டது
பெரம்பலூர் மாவட்டத்தில் உள்ள 4 வட்டங்களிலும் வருவாய் கிராமங்களுக்கான ஜமாபந்தி செவ்வாய்க்கிழமை முதல் நடைபெறுகிறது. அதன்படி, ஆலத்தூர் வட்டம், கொளக்காநத்தம் உள் வட்டத்திற்குள்பட்ட கொட்டரை, சாத்தனூர், சிறுகன்பூர் (கி- மே), வரகுபாடி, காரை (கி- மே), தெரணி, அயினாபுரம், கொளக்காநத்தம், கொளத்தூர் (கி- மே) ஆகிய வருவாய் கிராமங்களில் ஜமாபந்தி புதன்கிழமை நடைபெற்றது.
வேப்பந்தட்டை வட்டம், பசும்பலூர் உள் வட்டத்திற்குள்பட்ட பெரிய வடகரை, நூத்தப்பூர் (தெ- வ), பில்லாங்குளம், கை.களத்தூர் (கி- மே), கை.களத்தூர் (கி), காரியனூர், பசும்பலூர் (வ- தெ), பாண்டகப்பாடி, திருவாளந்துரை, அகரம் ஆகிய வருவாய் கிராமங்களிலும், பெரம்பலூர் வட்டம், குரும்பலூர் உள் வட்டத்திற்குள்பட்ட பொம்மனப்பாடி, வேலூர், எசனை, அலங்கிழி, கீழக்கரை, எளம்பலூர், செங்குணம், துறைமங்கலம், பெரம்பலூர் (தெ- வ) ஆகிய வருவாய் கிராமங்களிலும் நடைபெற்றது.
குன்னம் வட்டம், கீழப்புலியூர் உள் வட்டத்திற்குள்பட்ட நன்னை (கி- மே), பெருமத்தூர் (வ- தெ), சிறுமத்தூர், கீழப்புலியூர் (வ- தெ), எழுமூர் (மே), மழவராயநல்லூர், எழுமூர் (கி), ஆண்டிக்குரும்பலூர், அசூர், சித்தளி (கி- மே), பேரளி (தெ- வ), ஒதியம் ஆகிய வருவாய் கிராமங்களில் ஜமாபந்தி நடைபெற்றது.
ஜமாபந்தியில் அனைத்து வட்டங்களிலும் பெறப்பட்ட 322 மனுக்களில் 152 மனுக்களுக்கு உடனடி தீர்வு காணப்பட்டது. மேலும், 53 மனுக்கள் தள்ளுபடி செய்யப்பட்டன. 117 மனுக்கள் உரிய விசாரணைக்கு எடுத்துக்கொள்ளப்பட்டன.