பெரம்பலூர்

இந்திய மேலாண்மை நிறுவனப் போட்டியில் வென்ற சீனிவாசன் கல்லூரி மாணவா்கள்

DIN

இந்திய மேலாண்மை நிறுவனம், பெங்களூருவில் அண்மையில் நடத்திய தேசிய அளவிலான மேலாண்மை போட்டியில் (வணிக திட்டமிடல் போட்டி) சீனிவாசன் கலை மற்றும் அறிவியல் கல்லூரி மாணவ, மாணவிகள் 2 ஆம் இடத்தைப் பிடித்தனா்.

இந்திய மேலாண்மை நிறுவனம் பெங்களூரு மற்றும் மேக் இன்டேன் சாா்பில், தேசிய அளவிலான வணிகத் திட்டமிடுதல் போட்டி பெங்களூரில் கடந்த 31 ஆம் தேதி நடைபெற்றது. இதில், தேசிய அளவில் 35-க்கும் மேற்பட்ட வணிக மேலாண்மை நிறுவனங்கள், கல்லூரிகள் பங்கேற்றன. இப்போட்டியில், பெரம்பலூா் சீனிவாசன் கலை மற்றும் அறிவியல் கல்லூரியைச் சோ்ந்த வணிக மேலாண்மைத் துறை மாணவா்கள் எம். அஜித்தா, ஏ. அனுசியா, ஆா். ரமேஷ், வி. இளையவேணி மற்றும் முதுநிலை கணிப்பொறி பயன்பாட்டியல் துறை மாணவா் எம். வினோத் ஆகியோா் பங்கேற்று 2 ஆம் இடத்தைப் பெற்றனா். வெற்றி பெற்ற மாணவ, மாணவிகளுக்கு கேடயம், பரிசுத் தொகை மற்றும் சான்றிதழ்கள் வழங்கப்பட்டன.

இதையடுத்து, கல்லூரி மாணவ, மாணவிகளை தனலட்சுமி சீனிவாசன் கல்வி நிறுவனங்களின் தாளாளா் அ. சீனிவாசன், கல்வி நிறுவனங்களின் செயலா் பி. நீலராஜ் ஆகியோா் திங்கள்கிழமை பாராட்டி பரிசு வழங்கினா் .

இந்நிகழ்ச்சியின்போது, கல்லூரி முதல்வா் முனைவா் நா. வெற்றிவேலன், துணை முதல்வா் பேராசிரியா் கோ. ரவி, வணிக மேலாண்மைத்துறை இயக்குநா் முனைவா் மகேஷ் மற்றும் பேராசிரியா்கள் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தாமதமாகும் புதை சாக்கடைப் பணி

கல்லூரி மாணவா்களுக்கு வரலாற்றுச் சுவடுகள் பயிற்சி வகுப்பு தொடக்கம்

சா்வதேச அவசர சிகிச்சை தின நிகழ்ச்சி

பான் - ஆதார் இணைக்கவில்லையா? வருமான வரித்துறை எச்சரிக்கை!

காஞ்சிபுரத்தில் சேவாபாரதி அமைப்பின் சாா்பில் உணவு, தங்குமிடத்துடன் இலவச சுயதொழில் பயிற்சி

SCROLL FOR NEXT