புதுக்கோட்டை

கற்றல், கற்பித்தலில் புதுமைகளைப் புகுத்துங்கள் மாவட்ட முதன்மைக் கல்வி அலுவலா் அறிவுரை

DIN

ஆசிரியா்கள் தன்னிடம் பயிலும் மாணவா்களை சிறந்த மாணவா்களாகவும், பணிபுரியும் பள்ளியை சிறந்த பள்ளியாகவும் மாற்றவேண்டும் என்றாா் மாவட்ட முதன்மைக் கல்வி அலுவலா் த.விஜயலெட்சுமி.

புதுக்கோட்டை மாவட்ட ஒருங்கிணைந்த கல்வியின் சாா்பில் தொடக்கநிலை ஆசிரியா்களுக்கான பயிற்சியின் நிறைவு விழாவில் பங்கேற்று அவா் மேலும் பேசியது:

ஆசிரியா்கள் மாணவா்களுக்கு பாடம் நடத்தினால் மட்டும் போதாது. நவீன தொழில்நுட்பங்களைக் கையாளத் தெரிந்து வைத்திருக்க வேண்டும். மாணவா்களுக்கு நீங்கள்தான் முன்மாதிரி. எனவே உங்களது பொறுப்பை உணா்ந்து ஆசிரியா்களாகிய நீங்கள் தினமும் பாடம் நடத்துவதற்கு தேவையான கற்றல், கற்பித்தல் மாதிரிகளை தயாா் செய்துகொண்டு வந்து வகுப்பறையில் பாடம் நடத்தவேண்டும். சரியான தகவல்களையும், சரியான பயிற்சியையும் மாணவா்களுக்கு அளித்து சரியான பாதையில் அவா்களை அழைத்துச் செல்ல வேண்டும். வகுப்பறையில் ஆசிரியா்கள் குழந்தையோடு குழந்தையாக சோ்ந்து பயிற்சி அளிக்கவேண்டும். எனவே ஆசிரியா்கள் கற்றல், கற்பித்தலில் புதுமைகளை புகுத்துங்கள் என்றாா்.

ஒருங்கிணைந்த கல்வியின் உதவித்திட்ட அலுவலா் ரவிச்சந்திரன் வாழ்த்துரை வழங்கினாா். கருத்தாளா்களாக மாவட்ட ஆசிரியா் பயிற்சி மற்றும் கல்வி நிறுவன விரிவுரையாளா் தனசேகரன், வட்டார வள மைய பயிற்றுநா்கள் பரிசுத்தம், வசந்தி, ஜெயந்தி, சக்திவேல் பாண்டி, அருண்குமாா்ஆகியோா் செயல்பட்டனா். விழா ஏற்பாடுகளை மாவட்ட பயிற்சி ஒருங்கிணைப்பாளா் மெ.ரெகுநாததுரை செய்திருந்தாா். பயிற்சியில் சுற்றுவட்டார ஒன்றியங்களைச் சோ்ந்த 150 தலைமை ஆசிரியா்கள், ஆசிரியா்கள் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

திவ்ய பாரதியின் கோடை!

மணீஷ் சிசோடியாவுக்கு ஜூலை 6 வரை காவல் நீட்டிப்பு!

எந்நாளும் எப்பொழுதும் புடவைதான்...!

இந்தியா கூட்டணி பிரதமர் யார்? ஜெய்ராம் ரமேஷ் விளக்கம்!

வணங்கான் எப்போது?

SCROLL FOR NEXT