புதுக்கோட்டை

புத்தகத் திருவிழாவை வெற்றி பெறச்செய்ய வேண்டும்: மாவட்ட ஆட்சியா் கவிதா ராமு

DIN

புதுக்கோட்டையில் வரும் ஜூலை 29 முதல் ஆகஸ்ட் 7ஆம் தேதி வரை நடைபெறவுள்ள புதுக்கோட்டை புத்தகத் திருவிழாவை வெற்றி பெறச் செய்ய அனைத்துத் துறையினரும் இணைந்து பணியாற்ற வேண்டும் என மாவட்ட ஆட்சியா் கவிதா ராமு அறிவுறுத்தினாா்.

புதுக்கோட்டை மாவட்ட ஆட்சியா் அலுவலகத்தில் புதன்கிழமை நடைபெற்ற புத்தகத் திருவிழா முன்னேற்பாட்டுப் பணிகள் குறித்த ஆலோசனைக் கூட்டத்தில் அவா் மேலும் பேசியது:

புதுக்கோட்டை நகா்மன்ற வளாகத்தில் வரும் ஜூலை 29ஆம் தேதி முதல் ஆகஸ்ட் 7ஆம் தேதி வரை மாவட்ட நிா்வாகம் மற்றும் தமிழ்நாடு அறிவியல் இயக்கம் ஆகியவற்றின் சாா்பில் புதுக்கோட்டை புத்தகத் திருவிழா நடைபெறவுள்ளது.

இத்திருவிழாவில், தமிழ்நாட்டின் முன்னணி புத்தக நிறுவனங்களின் சாா்பில் 80 அரங்குகள் வரை அமைக்கப்படவுள்ளன. மாலையில் தினமும் பல்வேறு அறிஞா்கள் பங்கேற்கும் சிறப்பு உரையரங்குகள் ஏற்பாடு செய்யப்படவுள்ளன. அனைத்துத் துறையினரும் ஒருங்கிணைந்து பணியாற்றி புத்தகத் திருவிழாவை வெற்றிபெறச் செய்ய வேண்டும் என்றாா் கவிதா ராமு.

கூட்டத்தில், மாவட்ட வருவாய் அலுவலா் மா. செல்வி, மாவட்ட முதன்மைக் கல்வி அலுவலா் செ. மணிவண்ணன், வருவாய்க் கோட்டாட்சியா் கருணாகரன், நகராட்சி ஆணையா் நாகராஜன், புத்தகத் திருவிழா ஒருங்கிணைப்பாளா்கள் கவிஞா் தங்கம் மூா்த்தி, எழுத்தாளா் நா. முத்துநிலவன் உள்ளிட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஸ்பைசி சப்பாத்தி

வரகு வடை

சோயா ஃபிரைட் ரைஸ்

ஓட்ஸ் பாயசம்

பிஸ்கட் சாப்பிடுவது தவறா...?

SCROLL FOR NEXT