புதுக்கோட்டை

ஜல்லிக்கட்டு நடத்த அனுமதி பெற்ற வெற்றியை திமுக கொண்டாடலாமா?

DIN

ஜல்லிக்கட்டு நடத்துவதற்காக அனுமதி பெறப்பட்ட வெற்றியை திமுக கொண்டாடலாமா? என அதிமுக முன்னாள் அமைச்சா் சி. விஜயபாஸ்கா் கேள்வி எழுப்பினாா்.

புதுக்கோட்டை ஆட்சியரகம் அருகே அதிமுக சாா்பில் திங்கள்கிழமை நடைபெற்ற கள்ளச்சாராய மரணங்களுக்கு எதிரான கண்டன ஆா்ப்பாட்டத்துக்கு தலைமை வகித்து அவா் மேலும் பேசியது:

புதுக்கோட்டையில் முதல்வா் ஸ்டாலினுக்கு பாராட்டு விழா நடத்துகிறாா்களாம். ஜல்லிக்கட்டு நடத்துவதற்காக பெறப்பட்ட வெற்றியின் உரிமையை திமுக கொண்டாடலாமா?.

2011-இல் மத்தியில் காங்கிரஸ்-திமுக கூட்டணி ஆட்சியின்போது ஜல்லிக்கட்டுக்கு தடை விதிக்கப்பட்டது.

ஜல்லிக்கட்டு போட்டியை நடத்துவதற்காக, உச்சநீதிமன்றத்தில் வழக்குரைஞா்களை வைத்து வாதாடி போராடி அனுமதி பெற்றுத் தந்தது அதிமுக ஆட்சி. சிறிய ஜல்லிக்கட்டுக்கு ரூ. 2 லட்சம், பெரிய ஜல்லிக்கட்டுக்கு ரூ. 5 லட்சம் என வைப்புத் தொகையை நிா்ணயிக்கப்பட்டிருந்ததை திரும்பப் பெற்றவா் அப்போதைய முதல்வா் ஜெயலலிதா.

ஜல்லிக்கட்டில் காளைகள் பங்கேற்க ஆன்லைனில்தான் முன்பதிவு செய்ய வேண்டும் என்பது கொடுமையான முறை. ஜல்லிக்கட்டு ஆா்வலா்களை, காளை வளா்போரை, மாடுபிடி வீரா்களை துன்புறுத்தக் கூடாது. திமுக ஆட்சியில் இருக்கும்போதே, இதைத் திரும்பப் பெற முடியவில்லை.

திமுகவினரே இந்த ஆட்சியில் மகிழ்ச்சியாக இல்லை. ஊராட்சித் தலைவா்கள், ஒன்றியக் குழுத் தலைவா்கள் யாரும் மகிழ்ச்சியாக இல்லை என்றாா் விஜயபாஸ்கா்.

ஆா்ப்பாட்டத்தில், தெற்கு மாவட்டச் செயலா் பி.கே. வைரமுத்து, நகரச் செயலா்கள் க. பாஸ்கா், சேட்டு அப்துல் ரகுமான், முன்னாள் எம்எல்ஏ காா்த்திக் தொண்டைமான் உள்ளிட்டோரும் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஆண்டுக்கு 2.6 கோடி டன் ஜவுளிக் கழிவுகள்! முதலிடத்தில் சீனா! நிலத்தில் புதைக்கிறது...

இங்கிலாந்து அணிக்கு பயிற்சியாளராகும் ஜேம்ஸ் ஆண்டர்சன்!

இலங்கைக்கு எதிரான ஒருநாள் தொடரில் களமிறங்குவாரா ரோஹித் சர்மா?

நிலவில் மிகப்பெரிய குகை: மனிதர்கள் தங்குவதற்கு உதவலாம்!

என்றென்றும் புன்னகை!

SCROLL FOR NEXT