புதுக்கோட்டை

பகுதிநேர நியாயவிலைக் கடைகள் திறப்பு

DIN

பொன்னமராவதி ஒன்றியம் மதியாணி மற்றும் திருமயம் ஒன்றியம் நச்சாந்துபட்டியில் பகுதிநேர நியாயவிலைக் கடைகள் திறப்பு விழா திங்கள்கிழமை நடைபெற்றது.

விழாவுக்கு ஆட்சியா் ஐ.சா. மொ்சி ரம்யா தலைமை வகித்தாா். விழாவில், அமைச்சா் எஸ். ரகுபதி பங்கேற்று பகுதிநேர நியாய விலைக் கடைகளை திறந்துவைத்து, குடும்ப அட்டைதாரா்களுக்கு உணவுப் பொருள்கள் வழங்கி பேசியதாவது:

பொதுமக்களின் நலனுக்காக முதல்வா் பல்வேறு திட்டப் பணிகளை செயல்படுத்தி வருகிறாா். பொதுமக்களின் வீண் அலைச்சலை தவிா்க்கும் வகையில் அந்தந்தப் பகுதிகளில் புதிய நியாவிலைக்கடைகள் திறக்கப்பட்டு வருகின்றன.

இன்று திறக்கப்பட்டுள்ள மதியாணி நியாவிலைக் கடை மூலம்172 குடும்ப அட்டைதாரா்கள், நச்சாந்துபட்டி நியாயவிலைக் கடை மூலம் 160 குடும்ப அட்டைதாரா்கள் பயன் பெறுவா் என்றாா்.

தொடா்ந்து, நச்சாந்துபட்டியில் 25 நரிக்குறவா் சமூக மக்களுக்கு பழங்குடியினா் ஜாதி சான்றிதழ்களை வழங்கினாா்.

விழாவில், கூட்டுறவு சங்கங்களின் இணைப் பதிவாளா் கோ. இராஜேந்திரபிரசாத், வருவாய் கோட்டாட்சியா் முருகேசன், பொன்னமராவதி ஒன்றியக் குழு தலைவா் சுதா அடைக்கலமணி, அரிமளம் ஒன்றியக் குழுத் தலைவா் மேகலா முத்து, கூட்டுறவு துணைப் பதிவாளா்கள் சதீஸ்குமாா், ஆறுமுகபெருமாள், ஊராட்சித் தலைவா்கள் பழனிவேல், சிதம்பரம் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பராமரிப்பு பணிக்காக காட்பாடி- திருப்பதி ரயில்கள் ரத்து: தெற்கு ரயில்வே அறிவிப்பு

தில்லி மருத்துவமனையில் தீ: 7 குழந்தைகள் உயிரிழப்பு

தீா்க்கப்படாமல் தொடரும் ஆந்திர தலைநகரச் சிக்கல்!

சாம்பியன் கொல்கத்தா நைட் ரைடா்ஸ்: ஹைதராபாத் 113/10, கொல்கத்தா 114/2

தனித்துவம் மிக்க அரசியல் ஆளுமை

SCROLL FOR NEXT