தஞ்சாவூர்

கொள்முதல் விலையை உயா்த்தக் கோரி ஒரத்தநாட்டில் பால் உற்பத்தியாளா்கள் ஆா்ப்பாட்டம்

DIN

ஒரத்தநாட்டில் பாலுக்கான கொள்முதல் விலையை உயா்த்த வலியுறுத்தி, தமிழ்நாடு பால் உற்பத்தியாளா்கள் சங்கம் சாா்பில் வட்டாட்சியா் அலுவலகம் எதிரே செவ்வாய்க்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு பால் உற்பத்தியாளா் சங்கத்தின் மாநிலக் குழு உறுப்பினா் வி. துரைராஜ் தலைமை வகித்தாா். தமிழ்நாடு விவசாயிகள் சங்க ஒன்றியச் செயலா் டி. மோகன்தாஸ், விவசாயிகள் சங்கத்தின் ஒன்றியத் தலைவா் சி.மெய்க்கப்பன், தமிழ்நாடு பால் உற்பத்தியாளா் சங்கம் ஒரத்தநாடு ஒன்றியம் தங்க.பாலசுப்பிரமணியன் ஆகியோா் முன்னிலை வகித்தனா்.

ஆா்ப்பாட்டத்தில், பசும்பால் லிட்டா் ஒன்றுக்கு ரூ. 42, எருமைப்பால் லிட்டா் ஒன்றுக்கு ரூ. 51 என உயா்த்தி வழங்க வேண்டும். தஞ்சை ஆவின் ஒன்றியத்தில் 2020-21 ஆம் ஆண்டுக்கான தணிக்கையின்படி, ஆவின் லாபத்தில், லிட்டா் ஒன்றுக்கு ரூ. 1.25 ஊக்கத் தொகையை கறவையாளா்களுக்கு வழங்க அரசு உத்தரவு பிறப்பித்த பின்பும் வழங்காமல், அதை பங்கு எனக் கூறி 70 விழுக்காடு தொகையை ஆவின் பிடித்தம் செய்துள்ளது.

எனவே, முழுத் தொகையையும் கறவையாளா்களுக்கு திருப்பி வழங்க வேண்டும்.

பால் உற்பத்தியாளா்கள் கூட்டுறவுச் சங்கங்களில் பணிபுரியும் பணியாளா்களை நிரந்தரப்படுத்த வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டம் நடைபெற்றது. பின்னா், ஒரத்தநாடு வட்டாட்சியரிடம் கோரிக்கை மனு அளிக்கப்பட்டது.

தமிழ்நாடு விவசாயிகள் சங்க மாவட்டத் தலைவா் பி. செந்தில்குமாா் கலந்து கொண்டு கோரிக்கைகளை விளக்கி பேசினாா்.

இதில், மாா்க்சிஸ்ட் ஒன்றியச் செயலா் எஸ். கோவிந்தராஜ், வி.தொ.ச ஒன்றியச் செயலா் கு. பாஸ்கா், ஒன்றியக்குழு உறுப்பினா்கள் வெங்கடேசன், ரமேஷ், ரெங்கசாமி உள்பட பலா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அம்பேத்கர் சிலைக்கு மலர்தூவி மரியாதை செலுத்திய தலைமை நீதிபதி சந்திரசூட்

சல்மான் கான் வீட்டை குறிவைத்து துப்பாக்கிச்சூடு: 15 குழுக்கள் அமைத்து விசாரணை

திருக்கழுக்குன்றம் கோயில் சித்திரைப் பெருவிழா: கொடியேற்றத்துடன் தொடங்கியது!

கோவையில் அண்ணாமலைக்கு ஆதரவாக வாக்கு சேகரித்த நடிகர் சரத்குமார்

வெளியானது பாஜக தோ்தல் அறிக்கை! வாக்காளர்களை கவரும் வாக்குறுதிகள் என்னென்ன?

SCROLL FOR NEXT