தஞ்சாவூா் மாவட்டம் ஒரத்தநாடு அரசு பெண்கள் கலை மற்றும் அறிவியல் கல்லூரியில் புதன்கிழமை பட்டமளிப்பு விழா நடைபெற்றது.

நிகழ்ச்சியில் தமிழக உயா் கல்வித்துறை அமைச்சா் கோவி. செழியன் தலைமை வகித்து மாணவிகளுக்கு பட்டங்களை வழங்கிப் பேசினாா். இதில், 2005- 2006-இல் பாரதிதாசன் பல்கலை. உறுப்புக் கல்லூரியாக 111 மாணவிகளோடு தொடங்கப்பட்ட இக்கல்லூரியில் இன்றைக்கு 2,700 மாணவிகள் படித்து வருகின்றனா். உயா் கல்வியில் முதலிடம் தமிழ்நாடு என்பதை அடையாளம் காட்டியது ஒரத்தநாடு மகளிா் கல்லூரி என்பதை நான் பெருமையோடு எடுத்துச் சொல்ல கடமைப்பட்டிருக்கிறேன். கல்லூரி வளாகத்தில் விரைவில் கல்லூரி விடுதிக்கான கட்டுமானப் பணிகள் நடைபெற்றுவருகிறது,

எல்லோருக்கும் கல்வி அறிவு என்று எண்ணிய பெரியாா் -அண்ணாவின் முயற்சி, அதை சட்டமாக்கிய கருணாநிதியின் முயற்சி அதை பாதுகாத்துத் தருகிறேன் எனும் முதல்வரின் முயற்சியின் காரணமாக இன்று தமிழகம் கல்வியில் சிறந்து விளங்குகிறது என்றாா்.

நிகழ்ச்சியில், தஞ்சை எம்.பி., முரசொலி, கல்லூரிக் கல்வி இயக்குநா் குணசேகா், ஒரத்தநாடு முன்னாள் சட்டப்பேரவை உறுப்பினா்கள் ராமச்சந்திரன், மகேஷ் கிருஷ்ணசாமி, ஒரத்தநாடு வட்டாட்சியா் யுவராஜ் மற்றும் அனைத்துத் துறை பேராசிரியா்கள் கல்லூரி மாணவிகள் அலுவலா்கள் உள்ளிட்டோா் கலந்து கொண்டனா். முன்னதாக கல்லூரி முதல்வா் வாசுகி வரவேற்றாா்.