திருச்சி

"தீவிரவாதத்தை என்றைக்கும் ஆதரிக்க மாட்டோம்'

DIN

மனிதநேயத்தைக் கேள்விக்குறியாக்கும் தீவிரவாதத்தை என்றைக்கும் ஆதரிக்க மாட்டோம் என்றார் தவ்ஹீத் ஜமாஅத் மாநில செயலர் தாவூத் கைஸர். 
திருச்சியில்   ஞாயிற்றுக்கிழமை நடைபெற்ற தமிழ்நாடு தவ்ஹீத் ஜமாஅத் திருச்சி மாவட்ட செயல்வீரர்கள், வீராங்கனைகள் கூட்டத்தில் தலைமை வகித்துப் பேசிய அவர் மேலும் தெரிவித்தது:
தமிழ்நாடு தவ்ஹீத் ஜமாஅத் அமைப்பின் சார்பில் தீவிரவாதத்திற்கு எதிரான  தொடர் பிரசாரம் வரும் ஜூலை ஆகஸ்ட், செப்டம்பர் மாதங்களில் மேற்கொள்ளப்படுகிறது. 
பிரசாரத்தின் நோக்கங்கள் குறித்து மக்களிடம் எடுத்துக் கூறுவதோடு  மட்டுமின்றி மனிதநேயத்தைக் கேள்விக்குறியாக்கும் தீவிரவாதத்தை என்றைக்கும் ஆதரிக்க மாட்டோம். இதை மையமாக வைத்து சுவர் விளம்பரங்கள், மெகா ரத்த தான முகாம்கள், மனிதச் சங்கிலி, பேரணி நடத்தப்படவுள்ளது. 
மேலும் 2 கோடி மக்களிடம் விழிப்புணர்வை ஏற்படுத்தும் விதமாக மரக்கன்றுகள் நடப்படும். வடமாநிலங்களில் அப்பாவி முஸ்லிம்கள் கொல்லப்படுவதைத் தடுத்து நிறுத்த வேண்டும். தேசியப் புலனாய்வு பிரிவு விசாரணை என்ற பெயரில் அரசியல்வாதி போலச் செயல்படுகிறது என்றார் அவர். கூட்டத்தில் மாநில மேலாண்மைக் குழுத் தலைவர் சுலைமான், மாவட்டத் தலைவர் குலாம் தஸ்தஹீர், செயலர் சைய்யது ஜாஹீர், துணைத் தலைவர் உமர் உள்ளிட்டோர் கலந்து கொண்டனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சிறார் வாகனம் ஓட்டினால் ஆர்.சி. ரத்து; ரூ.25,000 அபராதம்: ஜூன் 1 அமல்

காஸா - எகிப்து எல்லையை இஸ்ரேல் ராணுவம் முழுமையாகக் கைப்பற்றியது

கருத்துக் கணிப்பு வெளியிட்ட தொலைக்காட்சி: தேர்தல் ஆணையம் நடவடிக்கை

இருளுக்கு எதிராகப் போராடும் வலிமை கொடுத்தவர் மகாத்மா: ராகுல் காந்தி

பட்டதாரிகளுக்கு ராணுவ அதிகாரிப் பணி: காலியிடங்கள் 459

SCROLL FOR NEXT