திருச்சி

குளத்தில் மூழ்கி இரட்டைச் சகோதரிகள் உயிரிழப்பு

DIN

திருச்சி மாவட்டம், கோவில்பட்டி அருகே குளத்தில் குளித்துக் கொண்டிருந்த இரட்டைச் சகோதரிகள் நீரில் மூழ்கி வியாழக்கிழமை உயிரிழந்தனா்.

கோவில்பட்டி அருகிலுள்ள மகிழிப்பட்டியைச் சோ்ந்தவா் கூலித் தொழிலாளி மணிவேல். இவருக்கு 3மகன்கள், 1 மகன். இவா்களில் ரமணி- லட்சுமி இரட்டைச் சகோதரிகள்.

ரமணி அருகிலுள்ள தனியாா் கல்லூரியில் படித்து வந்த நிலையில், லட்சுமி திருப்பூரில் பனியன் தொழிற்சாலையிலும் பணியாற்றி வந்தாா்.

உடல்நலம் பாதிக்கப்பட்ட தந்தையைப் பாா்ப்பதற்காக ஊருக்கு வந்த லட்சுமி, தனது சகோதரி ரமணி, தாய் வளா்மதியுடன் அருகிலுள்ள ஆனைக்கல் குளத்தில் குளிப்பதற்காக வியாழக்கிழமை மாலை அங்கு சென்றாா்.

குளத்தில் சகோதரிகள் இருவரும் குளித்துக் கொண்டிருந்த போது, தேசிய ஊரக வேலை உறுதித் திட்டப்பணி மூலம் தோண்டப்பட்ட பள்ளத்துக்குள் தவறி விழுந்துள்ளனா்.

7 அடி ஆழப்பகுதிக்குச் சென்ற இருவரும் நீச்சல் தெரியாமல் மூழ்கியுள்ளனா். இதைக் கண்ட வளா்மதி, மகள்களைக் காப்பாற்றக் கோரி சப்தமிட்டுள்ளாா். இதையறிந்து அக்கம் பக்கத்தினா் அங்கு விரைந்து இருவரையும் மீட்டனா். ஆனால் அவா்கள் லட்சுமி ஆகிய இருவரையும் உயிரிழந்த நிலையில்தான் பொதுமக்களால் மீட்க முடிந்தது,.

தகவலறிந்த மணப்பாறை காவல் துணைக் கண்காணிப்பாளா் குத்தாலிங்கம் மற்றும் போலீஸாா் அப்பகுதிக்கு விரைந்து வந்து, இருவரின் சடலத்தையும் மீட்டு, மணப்பாறை அரசு மருத்துவமனைக்கு அனுப்பி வைத்தனா். இதுகுறித்து வளநாடு போலீஸாா் வழக்குப்பதிந்து விசாரிக்கின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

என்எம்சி தலைவா் பெயரில் போலி அழைப்புகள்!

ஜம்மு-காஷ்மீா் பயங்கரவாதத் தாக்குதல்: ஆளுநா் கண்டனம்; பாஜக போராட்டம்

பட்டாக் கத்தியுடன் சுற்றித் திரிந்த 5 போ் கைது

மூடப்பட்ட ஆம்பூா் பஜாா் அஞ்சலகத்தை திறக்க கோரிக்கை

அம்பத்தூா் மகளிா் ஐடிஐ-யில் சேர ஜூன் 7-க்குள் விண்ணப்பிக்கலாம்

SCROLL FOR NEXT