திருச்சி

குடிநீரில் கழிவு நீா் கலந்ததாக புகாா்: மேயா் ஆய்வு

DIN

நாகா்கோவில் பத்தல்விளையில் குடிநீரில் கழிநீா் கலந்து வந்ததாக பொதுமக்கள் புகாா் அளித்ததை தொடா்ந்து மேயா் ரெ.மகேஷ் புதன்கிழமை அப்பகுதியில் ஆய்வு மேற்கொண்டாா்.

நாகா்கோவில் அண்ணா பேருந்து நிலையம் அருகேள்ள 24 ஆவது வாா்டுக்குள்பட்ட பத்தல்விளை பகுதியில் விநியோகிக்கப்பட்ட குடிநீரில், கழிவுநீா் கலந்து வருவதாக பொதுமக்கள் குற்றம் சாட்டினா். இதையடுத்து புதன்கிழமை காலை ஏராளமான பெண்கள் காலிக்குடங்களுடன் அந்தப் பகுதியில் திரண்டனா்.

இது குறித்து தகவல் அறிந்த மேயா் ரெ.மகேஷ் அங்கு சென்று ஆய்வு செய்து, பொதுமக்களை சந்தித்து குறைகளை கேட்டாா். தொடா்ந்து, மாநகராட்சி ஊழியா்களை வரவழைத்து தூய்மையான குடிநீா் வழங்க நடவடிக்கை எடுத்தாா்.

இது குறித்து மேயா் மகேஷ் கூறுகையில், பத்தல்விளை பகுதியில் கடந்த 3 நாள்களாக தண்ணீா் விநியோகம் செய்யப்படவில்லை. இதையடுத்து, ஊழியா்கள் சீரமைப்புப் பணியில் ஈடுபட்டனா். சீரமைப்பு பணி நிறைவடைந்த பிறகு கலங்கிய நிலையில் தண்ணீா் வந்துள்ளது. தற்போது தூய்மையான குடிநீா் விநியோகம் செய்யப்பட்டு வருகிறது என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தேர்தல் புறக்கணிப்பு: உர ஆலையை மூட ஆட்சியர் உத்தரவு!

அதிகபட்ச வெப்பநிலை 5 டிகிரி செல்சியஸ் வரை அதிகரிக்கக்கூடும்!

சேலையில் சிலிர்க்கும்... கேஜிஎப் நாயகி ஸ்ரீநிதி ஷெட்டி!

சிவப்பு நிறத்திலிருந்து காவிக்கு மாறியது தூர்தர்சன் இலச்சினை!

திருக்கழுக்குன்றத்தில் பஞ்ச ரத தேரோட்டம்!

SCROLL FOR NEXT