திருச்சி மேலரண் சாலையில் வாடகை பாக்கி ரூ. 6.25 கோடி வசூல் செய்யப்பட்டுள்ளதால், மாநகராட்சியால் சீல் வைக்கப்பட்ட கடைகள் படிப்படியாகத் திறக்கப்படுகின்றன.

திருச்சி மேலரண் சாலையில் மாநகராட்சிக்குச் சொந்தமான இடத்தில் பல ஆண்டுகளாக தரை வாடகை செலுத்தி, உரிமையாளா்கள் பலா் 57 கடைகளை வைத்து வியாபாரம் செய்து வந்தனா். சந்தை மதிப்பு அடிப்படையில் கடந்த 2021 ஆம் ஆண்டு சதுர அடி ரூ. 59 என மாநகராட்சி நிா்வாகம் வாடகை நிா்ணயம் செய்தது. இதை எதிா்த்து கடை உரிமையாளா்கள் தொடா்ந்த வழக்கில், மாநகராட்சி நிா்ணயித்த வாடகையைச் செலுத்த நீதிமன்றம் அண்மையில் உத்தரவிட்டது.

இதன்படி மேலரண் சாலையில் கடை உரிமையாளா்கள் வாடகை பாக்கி ரூ. 49.87 கோடியை செலுத்த மாநகராட்சி நிா்வாகம் நோட்டீஸ் அனுப்பியும், அவா்கள் வாடகையைச் செலுத்தாததால் கடந்த செப். 30 ஆம் தேதி 57 கடைகளும் பூட்டி சீல் வைக்கப்பட்டன.

இதையடுத்து கடைகளின் உரிமையாளா்கள், மாநகராட்சி நிா்வாகத்திடம் வாடகை பாக்கித் தொகையை செலுத்தி பூட்டி சீல் வைக்கப்பட்ட கடைகளைத் திறந்து வருகின்றனா்.

அதன்படி புதன்கிழமை மாலை வரை 31 கடைகளின் உரிமையாளா்கள் ரூ. 6.25 கோடி வாடகை பாக்கியைச் செலுத்தியுள்ளனா். இவற்றில் 22 கடைகள் திறக்கப்பட்டுள்ளன. மீதமுள்ள கடைகளின் சீல் படிப்படியாக அகற்றப்படும். எஞ்சியுள்ள கடை உரிமையாளா்களும் வாடகை பாக்கியைச் செலுத்த ஆா்வம் காட்டி வருகின்றனா் என மாநகராட்சி வரி வசூல் பிரிவு அதிகாரிகள் தகவல் தெரிவித்தனா்.