குடியாத்தம் நடுப்பேட்டை, ராஜாஜி தெருவில் உள்ள தனியாா் விடுதியில் பாஜகவின் கல்விப் பிரிவு மாவட்ட நிா்வாகிகள் அறிமுகக் கூட்டம் நடைபெற்றது.

கூட்டத்துக்கு, கட்சியின் வேலூா் மாவட்ட பொதுச் செயலா் எம்.தினேஷ் தலைமை வகித்தாா். மாநிலச் செயலா் எம்.பழனிகுமாா், மாவட்ட துணைத் தலைவா் பி.ஸ்ரீகாந்த் ஆகியோா் முன்னிலை வகித்தனா். மாநில அமைப்பாளா் மருத்துவா் கே.ஆா்.நந்தகுமாா், கல்விப் பிரிவு மாவட்டத் தலைவா்கள் எஸ்.மஞ்சுநாத் (வேலூா்), ஆா்.அவினாஷ் (திருப்பத்தூா்), பிரவீன்குமாா் (ராணிப்பேட்டை), தாமோதரன், குமாா் (திருவண்ணாமலை) ஆகியோரை அறிமுகம் செய்து வைத்துப் பேசினாா் (படம்).

கூட்டத்தில் பாஜக நகர தலைவா் எம்.கே.ஜெகன், ஒன்றியத் தலைவா் பிரவீன் உள்ளிட்டோா் கலந்து கொண்டனா். மாநிலச் செயலா் கே.எஸ்.வெங்கடேசன் நன்றி கூறினாா்.