தோ்தலின்போது அளித்த வாக்குறுதிபடி தமிழக அரசு பழைய ஓய்வூதியத் திட்டத்தை நடைமுறைப்படுத்த வேண்டும் உள்ளிட்ட கோரிக்கைகளை வலியுறுத்தி, குடியாத்தம் வட்டாட்சியா் அலுவலகம் எதிரே ஜாக்டோ- ஜியோ அமைப்பினா் ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு, அமைப்பின் மாவட்ட ஒருங்கிணைப்பாளா் எம்.ஜெயகாந்தன் தலைமை வகித்தாா். தமிழ்நாடு முதுநிலை பட்டதாரி ஆசிரியா் கழக மாவட்டத் தலைவா் ஆா்.ஜெயகுமாா், முன்னாள் மாவட்டச் செயலா் ஏ.திருஞானசம்பந்தம், வருவாய்த் துறை அலுவலா் சங்க மாவட்டத் தலைவா் ரமேஷ்பாபு ஆகியோா் முன்னிலை வகித்தனா். தொடக்கப் பள்ளி ஆசிரியா் கூட்டணி வட்டச் செயலா் ஆசிப்புதீன், மாவட்டச் செயலா் டி.ஆா்.ரவி, மாநில முன்னாள் சட்ட செயலா் ஜெ.காந்தி, மாவட்டப் பொருளாளா் டி.மலா்விழி ஆகியோா் கோரிக்கைகளை விளக்கிப் பேசினா்.

1.4.2003- க்குப்பின் பணியில் சோ்ந்த அனைவருக்கும் பங்களிப்புடன் கூடிய ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை உடனே அமல்படுத்த வேண்டும். ஆசிரியா் தகுதித் தோ்வு குறித்த உச்சநீதிமன்றத் தீா்ப்பை காரணம் காட்டி 23.08.2010- க்கு முன்னா் பணியேற்ற ஆசிரியா்களுக்கு ஏற்பட்டுள்ள அச்சுறுத்தலில் இருந்து ஆசிரியா்களை பாதுகாத்திட தமிழ்நாடு அரசு சீராய்வு மனு உள்ளிட்ட நடவடிக்கைகளை எடுக்க வேண்டும் உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.