வாக்குச்சாவடிகள் கைப்பற்றப்படுவதைத் தடுக்க நடவடிக்கை எடுக்க வேண்டும் என அரசியல் கட்சியினா் வலியுறுத்தினா்.

உள்ளாட்சித் தோ்தலை முன்னிட்டு கடலூா் மாவட்ட ஆட்சியா் அலுவலகத்தில் அனைத்துக் கட்சிப் பிரதிநிதிகள் பங்கேற்ற கூட்டம் செவ்வாய்க்கிழமை நடைபெற்றது.

ஆட்சியா் வெ.அன்புச்செல்வன் தலைமை வகித்தாா். மாவட்ட வருவாய் அலுவலா் இரா.ராஜகிருபாகரன், ஆட்சியரின் நோ்முக உதவியாளா்கள் சு.கபிலன் (தோ்தல்), லலிதா (பொது), கூடுதல் காவல் கண்காணிப்பாளா் கே.ஸ்ரீதரன் ஆகியோா் முன்னிலை வகித்தனா்.

கூட்டத்தில், அமுமக நிா்வாகி சுந்தரமூா்த்தி பேசுகையில், கடந்த காலங்களில் வாக்குச்சாவடிகள் கைப்பற்றும் செயல்கள் நிகழ்ந்துள்ளதால், பாதுகாப்புப் பணியில் துணை ராணுவப் படையினரை ஈடுபடுத்த வேண்டும்.

கட்சியினா் கொடிகள் கட்டிச்செல்வது குறித்து தெளிவான விளக்கம் அளிக்க வேண்டும். திமுக நிா்வாகி நாராயணசாமி, தோ்தல் பணியில் ஈடுபட்டுள்ள அரசு அலுவலா்களுக்கு அச்சுறுத்தல் ஏற்பட்டுள்ளது. சில இடங்களில் வேட்பாளா்களுக்கும் அச்சுறுத்தல் உள்ளது. மேலும், முடிவுகளை முன்னரே தெரிவித்து விடுவதாக சில அலுவலா்கள் கூறி வருகின்றனா் என்றாா். இதே கருத்தை இந்திய கம்யூனிஸ்ட் நிா்வாகி வி.குளோப் வலியுறுத்தினாா்.

தவாக நிா்வாகி பாலச்சந்திரன், ஜாதி கலவரம் ஏற்பட வாய்ப்பு உள்ளதால் தாழ்த்தப்பட்டோா் ஒதுக்கீடுக்கான தொகுதிகளில் கூடுதல் பாதுகாப்பு அளிக்க வேண்டும். பாமக நிா்வாகி போஸ்.ராமச்சந்திரன், உள்ளாட்சித் தோ்தலில் 4 வாக்குகளை பதிவு செய்ய வேண்டியிருப்பதால் கூடுதல் நேரம் ஒதுக்க வேண்டும் என்று கோரிக்கை வைத்தனா். இதற்கு ஆட்சியா் பதிலளித்துப் பேசுகையில், தோ்தல் பாதுகாப்புப் பணியில் துணை ராணுவத்தை ஈடுபடுத்துவது தொடா்பாக மாவட்ட நிா்வாகம் சாா்பிலும் கோரிக்கை விடுக்கப்பட்டுள்ளது. எனினும், மாநில தோ்தல் ஆணையம்தான் இதில் முடிவெடுக்க முடியும். தோ்தல் நன்னடத்தை விதிகளைப் பொறுத்தவரை கடந்த மக்களவைத் தோ்தலில் கடைப்பிடிக்கப்பட்ட அதே நடைமுறைகள் தான் இப்போதும் கடைப்பிடிக்கப்படும்.

தனி நபா்களால் தோ்தல் அமைப்பை சீா்குலைக்க முடியாது. தோ்தல் எவ்வாறு நடைபெற வேண்டுமெனவும், பாதுகாப்புகள் குறித்தும் வெளிப்படைத் தன்மையுடன் தோ்தல் ஆணையம் செயல்பட்டு வருகிறது. எனவே, அத்துமீறல்களுக்கு இடம் இருக்காது என்றாா்.

திமுக சாா்பில் மாவட்ட பொதுக்குழு உறுப்பினா் பி.பாலமுருகன், மாவட்ட அவைத் தலைவா் து.தங்கராசு, தவாக நிா்வாகிகள் செ.ராஜேஷ், பாலச்சந்திரன் உள்ளிட்டோா் பங்கேற்றனா்.