கடலூா் மாவட்டம், காடாம்புலியூா் சாா் பதிவாளா் அலுவலகத்தில் வெள்ளிக்கிழமை திடீா் சோதனை மேற்கொண்ட ஊழல் தடுப்பு மற்றும் கண்காணிப்புப் பிரிவு போலீஸாா் கணக்கில் வராத பணம் ரூ.2,15,800-ஐ பறிமுதல் செய்தனா்.

தீபாவளி பண்டிகையையொட்டி பல்வேறு துறை அரசு அலுவலகங்களில் பணம் வசூலிக்கப்படுவதாக புகாா் எழுந்தது. இதனையொட்டி கடலூா் ஊழல் தடுப்பு மற்றும் கண்காணிப்புப் பிரிவு போலீஸாா் தீவிர சோதனை நடத்தி வருகின்றனா்.

அந்த வகையில் காடாம்புலியூா் சாா்- பதிவாளா் அலுவலகத்தில் ஆவண எழுத்தா்கள் மற்றும் இடைத்தரகா்கள் மூலம் லஞ்சம்

பெறப்படுவதாக ஊழல் தடுப்புப் பிரிவு போலீஸாருக்கு ரகசிய தகவல் கிடைத்தது. இதையடுத்து, கடலூா் ஊழல் தடுப்பு மற்றும் கண்காணிப்பு பிரிவு டிஎஸ்பி., கே.சாந்தி தலைமையில், காவல் ஆய்வாளா்கள் எஸ்.சுந்தர்ராஜ், பி.அன்பழகன் அடங்கிய குழுவினா் மற்றும் கடலூா் மாவட்ட ஆய்வு குழு ஆய்வாளா் பி.சுஜாதா ஆகியோா் வெள்ளிக்கிழமை பிற்பகல் 1 மணி அளவில் சாா் - பதிவாளா் அலுவலகத்தில் திடீா் சோதனை மேற்கொண்டனா். அப்போது, அலுவலக கதவுகளை மூடினா். அலுவலகத்தின் உள்ளே இருந்தவா்களை வெளியே அனுப்பவில்லை. வெளியில் இருந்தும் யாரையும் உள்ளே அனுமதிக்கவில்லை. சுமாா் 5 மணி நேரத்திற்கும் மேலாக நடைபெற்ற சோதனையில் கணக்கில் வராத ரொக்கம் ரூ.2,15,800 -ஐகைப்பற்றினா். இந்தப் பணம் குறித்து ஆவண எழுத்தா்கள், இடைத்தரகா்கள் மற்றும் சாா்- பதிவாளா் எம்.ஈஸ்வரி ஆகியோரிடம் விசாரணை நடத்தி வருகின்றனா்.