பாரதி, சுதேசி பஞ்சாலைத் தொழிலாளர்களுக்கு பஞ்சப்படியை (ஐடிஏ) முழுமையாக வழங்க வேண்டும் என அதிமுக எம்.எல்.ஏ. பாஸ்கர் கோரிக்கை விடுத்தார்.
 சட்டப்பேரவையில் உடனடிக் கேள்வி நேரத்தில் இதுதொடர்பாக நடைபெற்ற விவாதம்:
 பாஸ்கர்: பாரதி, சுதேசி ஆலைகளில் உற்பத்தி இருந்தும் தொழிலக பஞ்சப்படி தரப்பட்டது. ஏஎஃப்டி ஆலையில் உற்பத்தி இல்லாததால் ஐடிஏ தரப்படவில்லை. தற்போது பாரதி ஆலையில் உற்பத்தி அதிகரித்துள்ளது. தொழிலக பஞ்சப்படியை முழுமையாக தர வேண்டும்.
 1.3.2016-இல் ஐடிஏ தர நீதிமன்றம் உத்தரவிட்டது. உற்பத்தி இருந்தும் ஏன் தரவில்லை.
 சிவா: பாரதி, சுதேசி ஆலையில் தொழிலாளர்களுக்கு ஏன் ஐடிஏ தரக்கூடாது.
 லட்சுமி நாராயணன்: நிதி நிலைமை சீரானவுடன் மீதமுள்ள 50 சதவீத பஞ்சப்படியை வைப்பு நிதியில் சேர்த்து வழங்கலாம்.
 அமைச்சர் ஷாஜஹான்: முதலில் 50 சதவீதம் ஐடிஏ அறிவிக்கப்பட்டுள்ளது. நிதிநிலை சீரானவுடன் மீதமுள்ள ஐடிஏ தரப்படும். முதலில் ஊழியர்களை முழுமையாக பணியாற்றுமாறு கூறுங்கள்.
 பாஸ்கர்: அந்த ஆலையில் கேமராக்கள் வைத்து கண்காணிக்கின்றனர்.
 முதல்வர்: பாரதி, சுதேசி ஆலையில் தொழிலாளர்கள் பிரச்னை தொடர்பாக பேசப்பட்டது. ஜாப் ஒர்க் தான் தரப்படுகிறது. ஒப்பந்தப்புள்ளி மூலம் மேலும் உற்பத்தியை அதிகரித்து அவர்களுக்கான பஞ்சப்படி தரப்படும்.