புதுவையில் நியாய விலைக் கடை ஊழியர்களுக்கு உடனே 5 மாத ஊதியம் வழங்கப்படும் என கூட்டுறவு அமைச்சர் மு.கந்தசாமி தெரிவித்தார்.
 சட்டப்பேரவையில் உடனடிக் நேரத்தில் அரியாங்குப்பம் எம்எல்ஏ ஜெயமூர்த்தி பேசியதாவது:
 புதுச்சேரியில் 700-க்கும் மேற்பட்ட ஊழியர்கள் நியாய விலைக் கடையில் பணிபுரிந்து வருகின்றார்கள். அவர்களுக்கு கடந்த 13 மாத காலமாக சம்பளம் வழங்கப்படாத காரணத்தால் போராட்டங்களில் ஈடுபட்டு வருகின்றனர். அவர்களின் சம்பள பிரச்னையை அரசு விரைந்து முடிக்க நடவடிக்கை எடுக்க வேண்டும்.
 அமைச்சர் கந்தசாமி: நியாய விலைக் கடை ஊழியர்களுக்கு 5 மாதத்திற்கான சம்பளம் அடுத்த மாதம் வழங்கப்படும். குடிமைப்பொருள் வழங்கல் துறை மூலம் சம்பளம் வழங்க வேண்டும் என அவர்கள் கோரிக்கை வைத்துள்ளனர். இதுதொடர்பாக கோப்பு தயார் செய்து அனுப்பியுள்ளோம் என்றார்.