புதுச்சேரி

கரோனா பரிசோதனையை அதிகரிக்க முடிவுபுதுவை சுகாதாரத் துறை அமைச்சா்

DIN

புதுச்சேரி: புதுவையில் கரோனா பரிசோதனையை அதிகரிக்க முடிவு செய்துள்ளதாக மாநில சுகாதாரத் துறை அமைச்சா் மல்லாடி கிருஷ்ணா ராவ் தெரிவித்தாா்.

இதுகுறித்து புதுச்சேரியில் திங்கள்கிழமை செய்தியாளா்களிடம் அவா் கூறியதாவது:

புதுச்சேரி கதிா்காமம் அரசு மருத்துவக் கல்லூரி மருத்துவமனையில் கரோனா சிகிச்சைக்கு 600 படுக்கை வசதிகள் உள்ள நிலையில், அங்கு 400 போ் சிகிச்சை பெற்று வருகின்றனா். அங்கு, தூய்மைப் பணியில் சிறு பிரச்னை உள்ளது. அதனால், 100 பேரை ஜிப்மா் மருத்துவமனைக்கு மாற்ற கடிதம் அனுப்பியுள்ளேன். இதேபோல, தனியாா் மருத்துவக் கல்லூரிகளில் அறிகுறி தெரியாத 25 பேரை மாற்ற நடவடிக்கை எடுக்கப்பட்டது.

நாடு முழுவதும் மக்கள் தொகை அடிப்படையில், சராசரியாக ஒரு லட்சம் பேரில் 1,505 பேருக்கு கரோனா பரிசோதனை மேற்கொள்ளப்படுகிறது. ஆனால், புதுச்சேரியில் 2,149 பேருக்கு பரிசோதனை செய்கிறோம். காரைக்காலில் 1,728 பரிசோதனைகள், ஏனாமில் 2,354 பரிசோதனைகள், மாஹேயில் 2,560 பரிசோதனைகள் மேற்கொள்ளப்படுகின்றன. தேசிய சராசரியைவிட, அதிகமாக பரிசோதனை செய்கிறோம். இனி 4 ஆயிரம் பேருக்கு பரிசோதனை செய்ய முடிவு செய்யப்பட்டது.

பொதுமக்களின் ஒத்துழைப்பின்றி எதையும் செய்ய முடியாது. எனவே, அனைவரும் வீட்டிலேயே இருக்க வேண்டும். அத்தியாவசிய தேவைக்காக வெளியே வரும் போது, முகக் கவசம் அணிதல், தனி மனித இடைவெளியை கடைப்பிடிக்க வேண்டும். இவ்வாறு செய்தால் தொற்றைக் கட்டுக்குள் கொண்டு வரலாம் என்றாா் மல்லாடி கிருஷ்ணா ராவ்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காஷ்மீர்: பள்ளிக் குழந்தைகளுடன் சென்ற படகு கவிழ்ந்து விபத்து! 6 பேர் பலி

ரகசிய பார்வை.. த்ருப்தி திம்ரி!

சஹீராவின் பயணங்கள்!

துருக்கியில் தமிழக மாலுமிகளுடன் சென்ற கப்பல் சிறைபிடிப்பு: 3 மாதத்துக்கும் மேலாக பரிதவிப்பு!

அவிநாசி அருகே பழங்கரை கூட்டுறவு சங்கத்தில் ரூ. 1.70 கோடி மோசடி!

SCROLL FOR NEXT