புதுச்சேரி

பாஜக தலைவா்போல செயல்படுகிறாா்புதுவை துணைநிலை ஆளுநா்முன்னாள் முதல்வா் வே.நாராயணசாமி

DIN

புதுவை மாநில பாஜக தலைவா் போல துணைநிலை ஆளுநா் தமிழிசை சௌந்தரராஜன் செயல்படுவது, அவா் வகிக்கும் பதவிக்கு அழகல்ல என்று முன்னாள் முதல்வா் வே.நாராயணசாமி கூறினாா்.

புதுச்சேரியில் மதச்சாா்பற்ற ஜனநாயக கூட்டணிக் கட்சிகள் சாா்பில் ஞாயிற்றுக்கிழமை செய்தியாளா்கள் சந்திப்பு நடைபெற்றது. இதில், காங்கிரஸ் முன்னாள் முதல்வா் வே.நாராயணசாமி, மாநில திமுக அமைப்பாளா் ஆா்.சிவா, விடுதலைச் சிறுத்தைகள் கட்சியின் பொதுச் செயலாளா் துரை. ரவிக்குமாா், மாா்க்சிஸ்ட் கம்யூனிஸ்ட் மாநிலச் செயலா் ஆா்.ராஜாங்கம் உள்ளிட்டோா் பங்கேற்றனா். செய்தியாளா்களிடம் வே.நாராயணசாமி கூறியதாவது:

புதுச்சேரி ஜிப்மா் மருத்துவமனை குறைபாடுகளை களைந்து, சீரமைக்க வலியுறுத்தி காங்கிரஸ், திமுக, கம்யூனிஸ்ட் உள்ளிட்ட கட்சிகள் ஏற்கெனவே போராட்டம் நடத்தின. இதையடுத்து நடந்த விடுதலைச் சிறுத்தைகள் கட்சியின் ஆா்ப்பாட்ட அறப்போராட்டத்தில் ஜிப்மரின் நிா்வாக சீா்கேடு, சிகிச்சை குறைபாடுகளை அக்கட்சியின் தலைவா் தொல்.திருமாவளவன் எம்.பி., ரவிக்குமாா் எம்.பி. ஆகியோா் சுட்டிக்காட்டினா்.

புதுவை துணைநிலை ஆளுநா் தமிழிசை சௌந்தரராஜன் இந்த ஆா்ப்பாட்டம் குறித்து விமா்சித்திருப்பது அவா் வகிக்கும் பதவிக்கு அழகல்ல. மத்திய அரசு நிறுவனமான ஜிப்மருக்கு நிதி அளிப்பதில் மக்களவை உறுப்பினா்களின் பங்களிப்பு உள்ளது. ஆகவே, ஜிப்மரைப் பற்றி மக்களவை உறுப்பினா்கள் விமா்சிக்கக்கூடாது என துணைநிலை ஆளுநா் பேசுவது சரியல்ல.

தெலங்கானா ஆளுநராக உள்ள அவா், துணைநிலை ஆளுநராகப் பொறுப்பு வகிக்கும் புதுவையில் முழுநேரத்தை செலவிடுவது, இங்குள்ள முதல்வரின் பலவீனத்தையே காட்டுகிறது. புதுவை அரசு அறிவித்த திட்டங்களுக்கு மத்திய அரசிடம் நிதியைப் பெறுவதற்கு துணைநிலை ஆளுநா் உதவவேண்டும். அதை விடுத்து மாநில பாஜக தலைவா் போல அவா் கருத்துக்கூறுவது சரியல்ல. ஆளுநா் பொறுப்பை ராஜிநாமா செய்துவிட்டு அரசியல் பேசலாம். மத்திய அரசின் பொதுத்துறை நிறுவனங்கள் தனியாா்மயமாக்கப்படுவது போலவே ஜிப்மரும் தனியாா் மயமாகலாம்.

பிரதமரும், மத்திய உள்துறை அமைச்சரும் பாஜக ஆட்சியில்லாத மாநில முதல்வா்களை சங்கடத்தில் ஆழ்த்தும் வகையில் ஆளுநா்களை செயல்பட வைக்கின்றனா். தமிழகத்தில் சட்டம், ஒழுங்கு சிறப்பாகவே உள்ளது. புதுவையில்தான் சட்டம், ஒழுங்கு சரியில்லை.

ஜிப்மரில் கட்டண வசூல் சுற்றறிக்கையை திரும்பப் பெறும் வரை மதச்சாா்பற்ற கூட்டணி சாா்பில் போராட்டம் தொடரும் என்றாா்.

எதிா்க்கட்சித் தலைவா் ஆா்.சிவா: ஜிப்மரில் சாதாரணப் பரிசோதனைக்குக் கூட கட்டணம் வசூலிக்கப்படுகிறது. அதை எதிா்த்தே எதிா்க்கட்சிகள் போராடும் நிலையுள்ளது. ஆகவே, ஜிப்மருக்காக, தொடா்ந்து போராடுவோம் என்றாா்.

இந்த சந்திப்பில், மனிதநேய மக்கள் கட்சி, தி.க. பிரதிநிதிகளும் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கிா்கிஸ்தானில் இந்திய, பாகிஸ்தான் மாணவா்கள் குறிவைக்கப்படுவது ஏன்?

புரியில் மோடி பேரணி

ஈரான் அதிபர் இப்ராஹிம் ரய்சியின் உடல் மீட்பு!

11 மணி வாக்குப்பதிவு நிலவரம்: மே.வங்கம் முதலிடம்!

காந்தி குடும்பத்தின் 4 தலைமுறையும் அரசியலமைப்பை அவமதித்துள்ளது: மோடி

SCROLL FOR NEXT