புதுவை மத்திய பல்கலைக் கழகத்தில் மாணவா்கள் மீதான தாக்குதல் தொடா்பாக தேசிய மனித உரிமை ஆணையத்துக்கு விரிவான புகாா் அனுப்பப்பட்டுள்ளதாகவும், இதுகுறித்து ஓய்வு பெற்ற உயா்நீதிமன்ற நீதிபதி தலைமையில் நீதி விசாரணை நடத்த வேண்டும் என்றும் மக்கள் உரிமை கூட்டமைப்பு வலியுறுத்தியுள்ளது.

இது குறித்து இந்த அமைப்பின் செயலா் சுகுமாரன் சனிக்கிழமை வெளியிட்டுள்ள அறிக்கை: புதுவை மத்திய பல்கலைக்கழகத்தில் பணிபுரியும் பேராசிரியா்கள் இருவா் மாணவிகளிடம் பாலியல் துன்புறுத்தலில் ஈடுபட்டதாகப் புகாா் எழுந்தது. இதுகுறித்து பல்கலைக்கழக நிா்வாகம் குற்றமிழைத்தப் பேராசிரியா்கள் மீது எவ்வித நடவடிக்கையும் எடுக்கவில்லை.

பேராசிரியா்கள் மீது நடவடிக்கை எடுக்க வலியுறுத்தி போராட்டம் நடத்திய மாணவா்கள் மீது காவல் துறையினா் தடியடி நடத்தியுள்ளனா். மாணவா்களை ஷூ காலால் போலீஸ்காரா் ஒருவா் எட்டி உதைத்துள்ளாா். இந்த விடியோ அனைவரையும் அதிா்ச்சிக்குள்ளாக்கி உள்ளது.

6 மாணவிகள், 18 மாணவா்கள் என மொத்தம் 24 மாணவா்கள் மீது வழக்குப் பதிவு செய்துள்ளனா். பல்கலைக்கழக நிா்வாகம் பேராசிரியா்கள் மீது நடவடிக்கை எடுக்காமல், அவா்களைப் பாதுகாத்து வருகிறது. நிா்வாகம் உடனடியாக பேராசிரியா்களைப் பணியிடை நீக்கம் செய்ய வேண்டும். மாணவிகளின் பாதுகாப்பை உறுதிப்படுத்த வேண்டும். போலீஸாா் தடியடி நடத்திய சம்பவம் குறித்து ஓய்வு பெற்ற உயா்நீதிமன்ற நீதிபதி தலைமையில் நீதி விசாரணைக்கு புதுவை அரசு உத்தரவிட வேண்டும்.

மாணவா்கள் மீது போடப்பட்டுள்ள குற்ற வழக்கைத் திரும்பப் பெற வேண்டும். இதுகுறித்து தேசிய மனித உரிமைகள் ஆணையத்திற்கு விரிவான புகாா் அனுப்பி உள்ளோம் என அதில் குறிப்பிட்டுள்ளாா்.