விழுப்புரம் கோட்டத்தில் உள்ள விவசாயிகள் வண்டல் மண் எடுக்க அனுமதிக்கு ஜூன் 9-ஆம் தேதி அனைத்து கிராம நிர்வாக அலவலகங்களில் மனுக்கள் பெறப்படுகின்றன.
இதுகுறித்து, விழுப்புரம் கோட்டாட்சியர் அ.ஜீனத்பானு வெளியிட்ட செய்திக் குறிப்பு:
விவசாயிகளுக்கு வண்டல் மண் வழங்கும் தமிழக அரசின் திட்டப்படி, விழுப்புரம், வானூர், விக்கிரவாண்டி வட்டங்களைச் சேர்ந்த விவசாயிகளுக்கு வண்டல் மண் வழங்குவதற்கான மனுக்கள் பெற சிறப்பு முகாம் நடைபெறுகிறது.
 இந்த சிறப்பு முகாம் ஜூன் 9-ஆம் தேதி விழுப்புரம், வானூர், விக்கிரவாண்டி வட்டங்களில் உள்ள அனைத்து கிராமங்களிலும், அந்தந்த கிராம நிர்வாக அலுவலர் அலுவலகங்களில் விவசாயிகள் மனுக்களை வழங்கி பயன்பெறலாம் என அதில் தெரிவிக்கப்பட்டுள்ளது.