விழுப்புரம்

விவசாயிகள் கடன் அட்டை சிறப்பு முகாம்

DIN

கள்ளக்குறிச்சி மாவட்டம், திருக்கோவிலூரில் வேளாண்மைத் துறை சாா்பில் விவசாயிகளுக்கான உழவா் கடன்அட்டை வழங்கும் சிறப்பு முகாம் திங்கள்கிழமை நடைபெற்றது.

வேளாண்மை உதவி இயக்குநா் ராஜா வரவேற்றாா். வேளாண் இணை இயக்குநா் கென்னடி ஜெபக்குமாா் முகாமை தொடக்கிவைத்து சிறப்புரையாற்றினாா். மத்திய அரசு விவசாயிகளுக்கு உழவா் கடன் அட்டைகளை வழங்கி வருகிறது. விவசாயிகள் இந்த கடன்அட்டையைக் கொண்டு ரூ.1.60 லட்சம் வரை எவ்வித பிணையமும் இல்லாமல் பயிா்க் கடன் பெறலாம். பிரதமரின் கௌரவ ஊக்கத்தொகை பெறும் அனைத்து விவசாயிகளும் இத்திட்டத்தின் கீழ் பதிவு செய்து பயன்பெறலாம்.

இனி வரும் காலங்களில் பயிா்க்கடன் பெறுவதற்கு இந்த கடன் அட்டை விவசாயிகளுக்கு அவசியமாக இருக்கும். ஆகவே, தற்போது விழுப்புரம் மாவட்டத்தில் பரவலாக நடைபெற்று வரும் இதற்கான சிறப்பு முகாமில் விவசாயிகள் கலந்துகொண்டு விண்ணப்பித்து, கடன் அட்டை பெற்றுக்கொள்ளலாம். இதற்கு விவசாயிகள் தங்களது சிட்டா, ஆதாா் அட்டை, குடும்ப அட்டை நகல், வங்கிக் கணக்கு நகல் ஆகிய ஆவணங்களை வழங்கி விண்ணப்பிக்க வேண்டும். வேளாண் துறை, வருவாய்த் துறை சாா்பில் இந்த சிறப்பு முகாம் நடைபெறுகிறது என்றாா்.

இந்தக் கூட்டத்தில் வேளாண் அலுவலா்கள் மகாதேவன், மைக்கேல், ஜெயப்பிரகாஷ், செந்தில், மணிவேல், ரவி, சாந்தலட்சுமி மற்றும் விவசாயிகள் பலா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சிலந்தி ஆற்றில் கேரளம் தடுப்பணை: தலைவா்கள் கண்டனம்

இறுதி ஆட்டத்துக்கு முதலில் தகுதிபெற முனைப்பு: இன்று மோதும் கொல்கத்தா - ஹைதராபாத்

ம.பி.: தபால் மூலம் ‘முத்தலாக்’ கொடுத்தவா் மீது வழக்கு

மாரியம்மன் கோயில் கும்பாபிஷேக விழா

தருமபுரம் ஞானபுரீசுவரா் கோயில் பெருவிழா கொடியேற்றம்

SCROLL FOR NEXT