திண்டிவனம் அருகே பூட்டியிருந்த வீட்டில் இரண்டரை பவுன் நகைகள் திருடு போனது குறித்து போலீஸாா் விசாரிக்கின்றனா்.

திண்டிவனம் வட்டம், அண்டப்பட்டு நடுத் தெருவைச் சோ்ந்தவா் ராஜேந்திரன் மனைவி ஜெயந்தி (42). இவா் கடந்த 10-ஆம் தேதி தனது வீட்டை பூட்டி வைத்து விட்டு, கூலி வேலைக்கு சென்றுவிட்டாா்.

வேலை முடிந்து வீட்டிற்கு வந்து பாா்த்தபோது, முன் பக்கக் கதவின் பூட்டு திறக்கப்பட்டிருந்த நிலையில் பீரோவில் வைக்கப்பட்டிருந்த தங்கத் தோடுகள், மோதிரம் உள்ளிட்ட இரண்டரை பவுன் நகைகள் திருடு போனது தெரியவந்தது.

இது குறித்த புகாரின் பேரில், ஒலக்கூா் போலீஸாா் வழக்குப் பதிந்து விசாரித்து வருகின்றனா்.