நாட்டில் பொருளாதார மந்தநிலை இல்லை என்றும், உலக அளவில் வேகமாக வளரும் நாடுகளில் ஒன்றாக இந்தியா நீடித்து வருவதாகவும் மத்திய நிதித்துறை இணையமைச்சா் அனுராக் தாக்குா் தெரிவித்தாா்.

இதுதொடா்பாக, மக்களவையில் எழுப்பப்பட்ட கேள்விக்கு திங்கள்கிழமை எழுத்துப்பூா்வமாக அளித்த பதிலில், அவா் கூறியிருப்பதாவது:

அந்நிய செலாவணி நிதியத்தின் (ஐஎம்எஃப்) மதிப்பீடுகளின்படி, உலக அளவில் வேகமாக வளரும் பொருளதாரத்தை கொண்ட நாடுகளில் ஒன்றாக இந்தியா நீடித்து வருகிறது. இந்தியாவின் மொத்த உள்நாட்டு உற்பத்தி (ஜிடிபி) வளா்ச்சி விகிதம், 2020-21-ஆம் நிதியாண்டில் 5.8 சதவீதமாக அதிகரிக்கும். 2021-22-ஆம் நிதியாண்டில், இந்தியாவின் ஜிடிபி வளா்ச்சி விகிதம் சீனாவை விஞ்சி 6.5 சதவீதமாக இருக்கும் என்று ஐஎம்எஃப் கணித்துள்ளது.

நாட்டில் பொருளாதார மந்தநிலை இல்லை. தேசிய புள்ளியியல் அலுவலகத்தின் தகவல்படி, கடந்த 2014-ஆம் ஆண்டு முதல் 2019-ஆம் ஆண்டு வரையிலான காலகட்டத்தில் சராசரி ஜிடிபி வளா்ச்சி விகிதம் 7.5 சதவீதமாகும். இதன் மூலம், ஜி-20 கூட்டமைப்பு நாடுகளிலேயே இந்தியாதான் அதிக வளா்ச்சி விகிதத்தை பதிவு செய்துள்ளது என்றாா் அவா்.

இந்திய பொருளதாரம் மற்றும் சா்வதேச அமைப்புகளின் கணிப்புகள் தொடா்பான இதர கேள்விகளுக்கு பதிலளித்த அனுராக் தாக்குா், ‘நாட்டின் தொழில்துறை உற்பத்தி குறியீடு, கடந்த ஆண்டின் அக்டோபரில் 4 சதவீதமும் செப்டம்பரில் 4.3 சதவீதமும் சரிவை சந்தித்திருந்த நிலையில், நவம்பரில் 1.8 சதவீத வளா்ச்சி கண்டது. நாட்டில் முதலீடுகளை ஈா்க்கவும், பொருளதார வளா்ச்சியை ஊக்குவிக்கவும் மத்திய அரசு தொடா் நடவடிக்கைகளை மேற்கொண்டு வருகிறது’ என்றாா்.