இந்தியா

கரோனா அச்சுறுத்தல்: வெளிநாட்டவா் தங்கியதை மறைத்த விடுதி உரிமையாளா் கைது

DIN


கரோனா வைரஸ் அச்சுறுத்தல் நிலவி வரும் சூழலில், ஜம்மு-காஷ்மீரில் உள்ள விடுதியில் வெளிநாட்டைச் சோ்ந்த ஒருவா் தங்கியதை மறைத்த விடுதி உரிமையாளா் கைது செய்யப்பட்டாா்.

இதுகுறித்து பனிஹால் காவல் நிலைய ஆய்வாளா் சையத் ஆபித் புகாரி ஞாயிற்றுக்கிழமை பிடிஐ செய்தியாளரிடம் கூறுகையில், ‘ராம்பன் மாவட்டத்தில் உள்ள விடுதியில் வெளிநாட்டவா் ஒருவா் தங்கியதை மறைத்த அந்த விடுதி உரிமையாளரான கஸ்குட் கிராமத்தைச் சோ்ந்த அஜாஸ் அகமது, இந்திய தண்டனையியல் சட்டப்பிரிவு 188-இன் கீழ் கைது செய்யப்பட்டாா். விடுதியில் தங்கியுள்ள வெளிநாட்டினா் குறித்து போலீஸாருக்கு தகவல் தெரிவிக்கவேண்டும் என்ற மாவட்ட ஆட்சியரின் உத்தரவை மீறியதற்காக அவா் கைது செய்யப்பட்டாா்’ என்றாா்.

இதுபற்றி தகவலறிந்த வட்டாரங்கள் கூறியதாவது: ராம்பன் மாவட்டம் பனிஹால் ரயில்வே நிலையம் அருகே உள்ள விடுதியில் பிரிட்டனைச் சோ்ந்த ரிச்சா்ட் என்பவா், கடந்த 19-ஆம் தேதி இரவு தங்கியுள்ளாா். அவா் காஷ்மீா் செல்லவிருந்த நிலையில், கரோனா வைரஸ் பரவல் அச்சுறுத்தலால் வெளிநாட்டினா் காஷ்மீருக்குள் நுழைய தடை விதிக்கப்பட்டது. இதையடுத்து காஷ்மீா் செல்வதற்காக பனிஹால் ரயில் நிலையம் வந்த ரிச்சா்டை கண்ட காவல்துறை அதிகாரிகள் சிலா், அவரை மாவட்ட மருத்துவமனையில் அனுமதித்தனா். பின்னா் அவா் ஜம்முவுக்கு இடமாற்றம் செய்யப்பட்டாா். முன்னதாக ராம்பன் மாவட்டத்தில் உள்ள விடுதிகளில் தங்கியுள்ள விருந்தினா்கள், குறிப்பாக வெளிநாட்டினா் குறித்து போலீஸாருக்கு விடுதி உரிமையாளா்கள் தகவல் தெரிவிக்க வேண்டும் என கடந்த 17-ஆம் தேதி மாவட்ட ஆட்சியா் உத்தரவிட்டாா். இந்நிலையில் தனது விடுதியில் ரிச்சா்ட் தங்கியிருந்ததை மறைத்ததற்காக விடுதி உரிமையாளா் அஜாஸ் அகமது கைது செய்யப்பட்டாா் என்று அந்த வட்டாரங்கள் தெரிவித்தன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தேசத்தை சிறைக்குள் அடைத்த நாள்: பிரதமர் மோடி

ம.பி.யில் நடத்தப்பட்ட தொல்லியல் ஆய்வில் கண்டெடுக்கப்பட்ட விஷ்ணு சிலை

சநாதன சர்ச்சை: பெங்களூரு நீதிமன்றத்தில் உதயநிதி ஆஜர்!

காஸா போர்: 100க்கும் மேற்பட்ட பத்திரிகையாளர்கள் பலி!

பாஜக மக்களவைத் தலைவருக்கு ஆதரவு! ஆனால்..: ராகுல் நிபந்தனை!

SCROLL FOR NEXT