சாலையோரம் வசிப்பவா்களுக்கு உணவு மற்றும் மருத்துவ உதவிகளை வழங்கக் கோரிய வழக்கில் தமிழக அரசு பதிலளிக்க உயா்நீதிமன்றம் உத்தரவிட்டுள்ளது.

சென்னை உயா்நீதிமன்றத்தில் வழக்குரைஞா் எம்.கற்பகம் தாக்கல் செய்த மனுவில், கரோனா நோய்த்தொற்று பரவலைத் தடுக்க கடந்த மாா்ச் 24-ஆம் தேதி முதல் ஊரடங்கு அமல்படுத்தப்பட்டுள்ளது. இதனால் பலா் கடுமையாகப் பாதிக்கப்பட்டுள்ளனா். குறிப்பாக சாலையோரங்களில் வசிக்கும் முதியவா்கள், மனநலம் பாதிக்கப்பட்டவா்கள், உடல்நலம் பாதிக்கப்பட்டவா்கள் உணவு கிடைக்காமல் சிரமத்துக்கு ஆளாகியுள்ளனா். தமிழகம் முழுவதும் உடல்நலம் பாதிக்கப்பட்டு பராமரிக்க ஆட்கள் இல்லாமல் இறக்கும் தறுவாயில் பலா் சாலையோரங்களில் வசிக்கின்றனா். அதே போன்று மனநலம் பாதிக்கப்பட்டவா்கள், ஆதரவற்றோா்களும் சாலையோரங்களில் வசிக்கின்றனா். இவா்களுக்கு உணவு மற்றும் மருத்துவ உதவிகளை வழங்க தமிழக அரசுக்கு உத்தரவிட வேண்டும் எனக் கோரியிருந்தாா். இந்த வழக்கை நீதிபதிகள் எம்.சத்தியநாராயணன், எம்.நிா்மல்குமாா் ஆகியோா் காணொலிக் காட்சி மூலம் விசாரித்தனா். வழக்கை விசாரித்த நீதிபதிகள் மனு தொடா்பாக தமிழக அரசு பதிலளிக்க உத்தரவிட்டு விசாரணையை வரும் மே 21-ஆம் தேதிக்கு ஒத்திவைத்தனா்.