இந்தியா

குடியரசு துணைத் தலைவா் வாய்ப்புகிடைக்காததால் நிதீஷ் துரோகம்- பாஜக

DIN

குடியரசு துணைத் தலைவா் வாய்ப்பு கிடைக்காததால் பாஜகவுக்கு நிதீஷ் குமாா் துரோகம் இழைத்துள்ளாா் என பாஜக குற்றம்சாட்டியுள்ளது.

இதுகுறித்து பிகாா் பாஜக மூத்த தலைவரும் முன்னாள் துணை முதல்வருமான சுஷீல் குமாா் மோடி கூறியதாவது:

தேசிய ஜனநாயக கூட்டணி ஆட்சி அமைக்க வேண்டும் என்றுதான் பிகாா் மக்கள் கடந்த சட்டப்பேரவைத் தோ்தலில் வாக்களித்தனா். இப்போது, கூட்டணி மாறியதன் மூலம் பிகாா் மக்களை நிதீஷ் அவமானப்படுத்தியுள்ளாா். நிதீஷ் மீது முழு நம்பிக்கை வைத்திருந்த பிரதமா் மோடியையும் அவா் அவமதித்துவிட்டாா்.

ஐக்கிய ஜனதா தளம் கட்சிக்கு எதிராக பாஜக சதி செய்வதாக நிதீஷ் கூறும் குற்றச்சாட்டு தவறானது. நிதீஷ் குமாரின் ஒப்புதலின்பேரில்தான் அவரது கட்சியைச் சோ்ந்த ஆா்.சி.பி. சிங் மத்திய அமைச்சராக நியமிக்கப்பட்டாா். ஆனால், அவருடன் ஏற்பட்ட உள்கட்சி பிரச்னை காரணமாக மாநிலங்களவைத் தோ்தலில் போட்டியிட நிதீஷ் அனுமதிக்கவில்லை. இதனால் அதிருப்தியடைந்த ஆா்.சி.பி.சிங், மத்திய அமைச்சா் பதவியை இழந்தவுடன், நிதீஷ் கட்சியில் இருந்து வெளியேறினாா். இதில் பாஜகவின் பங்கு ஏதுமில்லை.

லாலு பிரசாத் இப்போது உடல்நலம் குன்றியிருக்கிறாா். இந்தச் சூழ்நிலையைப் பயன்படுத்தி அவரது கட்சியை பலவீனப்படுத்தி, தனது கட்சியை பலமாக்கும் திட்டத்தை நிதீஷ் குமாா் கையிலெடுத்துள்ளாா். அதே நேரத்தில் தேஜஸ்வி யாதவ் முதல்வா் போன்று அதிகாரத்தை செலுத்துவாா். 2025-ஆம் ஆண்டு வரை பிகாா் சட்டப்பேரவைப் பதவிக் காலம் உள்ளது. ஆனால், அதற்கு முன்பு இந்தக் கூட்டணி உடைந்து, அரசு கவிழ்ந்துவிடும்.

தன்னை குடியரசு துணைத் தலைவராக்க வேண்டும் என்று நிதீஷ் குமாா் விரும்பினாா். ஆனால், பாஜக அதனை ஏற்கவில்லை. இதையடுத்து, ஆத்திரமடைந்த அவா் பாஜகவுக்கு துரோகம் இழைத்துள்ளாா் என்றாா்.

இதற்கு முன்பு ராஷ்ட்ரீய ஜனதா தளத்துடன் கூட்டணி வைத்து நிதீஷ் ஆட்சி அமைத்தபோது, தேஜஸ்வி துணை முதல்வராக இருந்தாா். அப்போது அவா் மீதான ஊழல் குற்றச்சாட்டை முன்னிறுத்தி நிதீஷ் அக்கூட்டணியை முறித்துக் கொண்டு, பாஜகவுடன் கைகோத்தாா் என்பது நினைவுகூரத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காஷ்மீர்: பள்ளிக் குழந்தைகளுடன் சென்ற படகு கவிழ்ந்து விபத்து! 6 பேர் பலி

ரகசிய பார்வை.. த்ருப்தி திம்ரி!

சஹீராவின் பயணங்கள்!

துருக்கியில் தமிழக மாலுமிகளுடன் சென்ற கப்பல் சிறைபிடிப்பு: 3 மாதத்துக்கும் மேலாக பரிதவிப்பு!

அவிநாசி அருகே பழங்கரை கூட்டுறவு சங்கத்தில் ரூ. 1.70 கோடி மோசடி!

SCROLL FOR NEXT