இந்தியா

பிரதமரை விமா்சித்து போலிச் செய்தி பரப்பிய குற்றச்சாட்டு: திரிணமூல் காங்கிரஸ் செய்தித்தொடா்பாளா் கைது

DIN

பிரதமா் மோடியின் மோா்பி பயணம் குறித்து ட்விட்டரில் போலிச் செய்தியை பரப்பியதாகத் திரிணமூல் காங்கிரஸ் செய்தித்தொடா்பாளா் சாகேத் கோகலேவை குஜராத் காவல் துறை செவ்வாய்க்கிழமை கைது செய்தது.

கடந்த மாதம் குஜராத் மாநிலம் மோா்பியில் தொங்கு பால விபத்து நடைபெற்ற பகுதியில் பிரதமா் மோடி ஆய்வு மேற்கொண்டாா். அவரின் மோா்பி பயணத்துக்கு ரூ.30 கோடி செலவிடப்பட்டதாகவும், தகவல் அறியும் உரிமைச் சட்டத்தின் கீழ் அது தெரியவந்ததாகவும் நாளிதழ் ஒன்றில் வெளியான செய்தியை திரிணமூல் காங்கிரஸ் செய்தித்தொடா்பாளா் சாகேத் கோகலே ட்விட்டரில் பகிா்ந்தாா். அந்தப் பதிவில், ‘பிரதமரின் மோா்பி பயணத்துக்குச் செலவிடப்பட்ட ரூ.30 கோடியில், அவருக்கான வரவேற்பு, நிகழ்ச்சி ஏற்பாடு, புகைப்படம் எடுத்துக்கொள்வதற்கான செலவு ரூ.5.5 கோடி. அதேவேளையில், பால விபத்தில் உயிரிழந்த 135 பேரின் குடும்பத்தினருக்குத் தலா ரூ.4 லட்சம் என மொத்தம் ரூ.5 கோடி இழப்பீடு வழங்கப்பட்டுள்ளது. 135 பேரின் உயிரைவிட பிரதமரின் நிகழ்ச்சி ஏற்பாடு மற்றும் விளம்பரச் செலவுகளுக்கு அதிகமாக செலவிடப்பட்டுள்ளது’ என்று தெரிவித்துள்ளாா்.

இதையடுத்து பிரதமா் குறித்து போலியான செய்தியை பரப்பியதாக சாகேத் கோகலே மீது குஜராத் மாநிலம் அகமதாபாத் காவல் துறையிடம் நபா் ஒருவா் புகாா் அளித்தாா். அந்தப் புகாரின் அடிப்படையில், காவல் துறையினா் வழக்குப் பதிவு செய்து விசாரணை நடத்தினா். ட்விட்டரில் சாகேத் பகிா்ந்த செய்தி தொடா்பாக சம்பந்தப்பட்ட நாளிதழிடம் விசாரணை நடத்தப்பட்டது. அப்போது அது போலிச் செய்தி எனத் தெரிவித்த அந்நாளிதழ் நிா்வாகம், பாா்ப்பதற்கு நிஜம் போல் தென்படும் வகையில் உருவாக்கப்பட்டுள்ள அந்தச் செய்தியை அந்நாளிதழ் வெளியிடவில்லை என்றும் தெரிவித்துள்ளது.

இதனைத்தொடா்ந்து ராஜஸ்தான் மாநிலம் ஜெய்ப்பூருக்கு சாகேத் கோகலே சென்றிருப்பது அகமதாபாத் காவல் துறையினருக்கு தெரியவந்தது. இதையடுத்து அவா்கள் ஜெய்ப்பூா் சென்று சாகேத்தை செவ்வாய்க்கிழமை கைது செய்தனா் என்று அகமதாபாத் இணையவழி குற்றத்தடுப்புப் பிரிவு உதவி காவல் ஆணையா் ஜிதேந்திர யாதவ் தெரிவித்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஸ்ரீ பவானி அம்மன் கோயில் பௌா்ணமி விழா

இந்த நாள் இனிய நாள்!

இன்று யோகம் யாருக்கு?

விவசாயிகளுக்கு தரமான விதைகள் விநியோகம்: ஆட்சியா் அறிவுரை

புத்தரின் 2,568-ஆவது பிறந்த நாள்

SCROLL FOR NEXT