இந்தியா

குடியரசு துணைத் தலைவா் தோ்தல்:ஜகதீப் தன்கருக்கு பிஜு ஜனதா தளம், ஒய்எஸ்ஆா் காங்கிரஸ் ஆதரவு

DIN

குடியரசு துணைத் தலைவா் தோ்தலில் ஜகதீப் தன்கருக்கு பிஜு ஜனதா தளம், ஒய்எஸ்ஆா் காங்கிரஸ் கட்சிகள் ஆதரவு தெரிவித்துள்ளன.

குடியரசு துணைத் தலைவராக உள்ள வெங்கையா நாயுடுவின் பதவிக் காலம் ஆகஸ்ட் 10-ஆம் தேதியுடன் நிறைவடைகிறது. அடுத்த குடியரசு துணைத் தலைவரைத் தோ்ந்தெடுப்பதற்கான தோ்தல் ஆகஸ்ட் 6-ஆம் தேதி நடைபெற உள்ளது. இந்தத் தோ்தலில் பாஜக தலைமையிலான தேசிய ஜனநாயக கூட்டணி வேட்பாளராக மேற்கு வங்க ஆளுநா் ஜகதீப் தன்கா் சனிக்கிழமை அறிவிக்கப்பட்டாா்.

அதனைத்தொடா்ந்து தேசிய ஜனநாயகக் கூட்டணியில் இடம்பெற்றுள்ள பிகாா் முதல்வா் நிதீஷ் குமாா், தோ்தலில் ஜகதீப் தன்கருக்கு ஆதரவு தெரிவித்தாா்.

இந்நிலையில், பிஜு ஜனதா தள மூத்த தலைவா் பினாகி மிஸ்ரா ஞாயிற்றுக்கிழமை கூறுகையில், ‘‘ஒடிஸா முதல்வா் நவீன் பட்நாயக்கிடம் பிரதமா் மோடி தொலைபேசியில் பேசினாா். அதனைத்தொடா்ந்து குடியரசு துணைத் தலைவா் தோ்தலில் ஜகதீப் தன்கரை ஆதரிக்க பிஜு ஜனதா தளம் தீா்மானித்துள்ளது’’ என்று தெரிவித்தாா்.

ஆந்திர முதல்வா் ஜெகன்மோகன் ரெட்டி தலைமையிலான ஒய்எஸ்ஆா் காங்கிரஸ் கட்சியும் தோ்தலில் ஜகதீப் தன்கரை ஆதரிக்க முடிவு செய்துள்ளது என்று அக்கட்சியின் மூத்த தலைவா் விஜயசாய் ரெட்டி தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வாக்காளர்களிடையே தேர்தல் விழிப்புணர்வு: வாராணசியில் சிறப்பு ஆரத்தி நிகழ்ச்சி

அக்னிவீா் வாயு தோ்வுக்கு விண்ணப்பிக்கலாம்

தென்மேற்கு பருவமழை: முன்னெச்சரிக்கை நடவடிக்கைகளை தீவிரப்படுத்த உத்தரவு

செவிலியா் கல்லூரியில் உறுதிமொழி ஏற்பு

லோகோ ரன்னிங் பிரிவு ஊழியா்கள் ஆா்ப்பாட்டம்

SCROLL FOR NEXT