இந்தியா

தி கேரளா ஸ்டோரி: மாணவிகளுக்கு இலவச டிக்கெட் வழங்கும் கல்லூரி!

DIN

தி கேரளா ஸ்டோரி திரைப்படத்தைப் பார்க்க கர்நாடகத்திலுள்ள கல்லூரி நிர்வாகம் தங்கள் மாணவிகளுக்கு இலவச டிக்கெட்டுகளை வழங்கும் நடவடிக்கையில் இறங்கியுள்ளதாக தகவல் வெளியாகியுள்ளது.

இயக்குநர் சுதிப்சென் இயக்கத்தில் வெளியாகியுள்ள தி கேரளா ஸ்டோரி திரைப்படம் கடந்த 5ஆம் தேதி வெளியானது. இந்தத் திரைப்படத்தில் ஹிந்து பெண்கள் கட்டாயத்தின்பேரில் மதமாற்றம் செய்யப்படுவதாக திரைக்கதை அமைக்கப்பட்டுள்ளது.

இதற்கு கடும் எதிர்ப்புகள் எழுந்த நிலையில், ஒரு சில மாநிலங்களில் தி கேரளா ஸ்டோரி திரையிடலுக்குத் தடை விதிக்கப்பட்டது. எனினும் மேற்குவங்கம் போன்ற மாநிலங்களில் நீதிமன்ற உத்தரவுக்குப் பிறகு மீண்டும் திரையிடப்பட்டுள்ளது.  

இந்நிலையில், கர்நாடகத்திலுள்ள எஸ்.வி.எம். ஆயுர்வேத கல்லூரி தங்கள் மாணவிகளுக்கு தி கேரளா ஸ்டோரி திரைப்படத்தை கட்டாயம் பார்க்க அறிவுறுத்தி இலவச டிக்கெட்டுகளை வழங்கியுள்ளது. இது தொடர்பாக கல்லூரி நிர்வாகம் சுற்றறிக்கை ஒன்றையும் அனுப்பியுள்ளது. 

அதில், இளநிலை, முதுநிலை மாணவிகள் அனைவரும் நாளை நண்பகல் 12 மணிக்கு ஸ்ரீனிவாசா திரையரங்குக்குச் சென்று தி கேரளா ஸ்டோரி திரைப்படத்தை இலவசமாக பார்க்கலாம். அதற்காக பிற்பகல் வகுப்புகள் ரத்து செய்யப்படுகின்றன. அனைத்து மாணவிகளும் கட்டாயம் படத்தைப் பார்க்க வேண்டும் என அறிக்கையில் குறிப்பிடப்பட்டுள்ளது. 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

மணிப்பூரில் சில இடங்களில் வன்முறை; வாக்குப் பதிவு இயந்திரங்கள் சேதம்

சரிவிலிருந்து மீண்டது பங்குச்சந்தை: சென்செக்ஸ் 599 புள்ளிகள் உயா்வு!

வாக்குப் பதிவு மையங்களில் குழந்தைகள் பாதுகாப்பு அறை

திரைத் துறையினா் ஜனநாயக கடமை ஆற்றினா்

தில்லியில் நூறு வயதுக்கு மேற்பட்ட வாக்காளா்கள் 1,004 போ் வீட்டிலிருந்தே வாக்களிக்க சிறப்பு ஏற்பாடு

SCROLL FOR NEXT