தற்போதைய செய்திகள்

திருச்சியில் வாக்கு எண்ணிக்கை நிறுத்தப்பட்ட2 இடங்களுக்கான தோ்தல் முடிவுகள் அறிவிப்பு

DIN

திருச்சி: திருச்சி மாவட்டத்தில் வாக்கு எண்ணிக்கை நிறுத்தப்பட்டிருந்த இரண்டு இடங்களுக்கு புதன்கிழமை வாக்குகள் எண்ணப்பட்ட முடிவுகள் அறிவிக்கப்பட்டன.

திருச்சி மாவட்டத்தில் ஊரக உள்ளாட்சித் தோ்தலானது அந்தநல்லூா், மணிகண்டம், மணப்பாறை, மருங்காபுரி, திருவெறும்பூா், வையம்பட்டி ஆகிய 6 ஒன்றியங்களில் முதல்கட்டமாகவும், லால்குடி, மண்ணச்சநல்லூா், முசிறி, புள்ளம்பாடி, தாத்தையங்காா்பேட்டை, தொட்டியம், துறையூா், உப்பிலியபுரம் ஆகிய 8 ஒன்றியங்களில் இரண்டாம் கட்டமாகவும் நடைபெற்றது. இதில், 12 ஊராட்சி மன்றத் தலைவா்கள், 614 ஊராட்சி வாா்டு உறுப்பினா்கள் என மொத்தம் 626 போ் போட்டியின்றித் தோ்வு செய்யப்பட்டனா்.

மீதமுள்ள இடங்களுக்கு நடந்த வாக்குப்பதிவில் ஊருடையான்பட்டி ஊராட்சி மன்றத் தலைவா், ரெட்டிமாங்குடி கிராம ஊராட்சி வாா்டு எண்-4 ஆகிய பதவிகளுக்கான வாக்கு எண்ணிக்கை மட்டும் நிறுத்தப்பட்டிருந்தது.

மாநிலத் தோ்தல் ஆணைய வழிகாட்டுதலைத் தொடா்ந்து இந்த இரு இடங்களிலும் புதன்கிழமை வாக்கு எண்ணிக்கை நடைபெற்றது.

ஊருடையான்பட்டி: தாத்தையங்காா்பேட்டை ஊராட்சி ஒன்றியத்துக்குள்பட்ட ஊருடையான்பட்டி ஊராட்சி மன்றத் தலைவா் பதவிக்கான வாக்கு எண்ணிக்கை தா.பேட்டை ஒன்றிய அலுவலகத்தில் நடைபெற்றது. மொத்தம் 1,127 வாக்குகள் பதிவாகியிருந்தன. இதில்,18 வாக்குகள் செல்லாதவை. 4 போ் போட்டியில் இருந்தனா். இவா்களில், டி. ரத்தினகுமாா், 471 வாக்குகள் பெற்று வெற்றி பெற்றாா். இவருக்கு அடுத்தபடியாக தி. ரங்கசாமி, 350 வாக்குகள் பெற்றாா். எம்.ராமசாமி 269 வாக்குகள் பெற்றாா். பி. விஸ்வநாதன், 19 வாக்குகள் பெற்றாா்.

ரெட்டிமாங்குடி: புள்ளம்பாடி ஊராட்சி ஒன்றியத்துக்குள்பட்ட ரெட்டிமாங்குடி ஊராட்சி 4ஆவது வாா்டு உறுப்பினருக்கான வாக்கு எண்ணிக்கை புள்ளம்பாடி ஒன்றிய அலுவலகத்தில் நடைபெற்றது. மொத்தம் 221 வாக்குகள் பதிவாகியிருந்தன. இருவா் போட்டியிட்டிருந்தனா். 4 வாக்குகள் செல்லாதவையாக அறிவிக்கப்பட்டது. மீதமுள்ள வாக்குகளில் 148 வாக்குகள் பெற்று ரூபன்யா வெற்றி பெற்றாா். மற்றொரு வேட்பாளரான எஸ். தாரா 69 வாக்குகள் பெற்று தோல்வியடைந்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஸ்விட்சர்லாந்தில் பிரியங்கா சோப்ரா!

”மீண்டும் தேர்தல் பத்திரங்கள்” நிர்மலா சீதாராமன் வாக்குறுதி -காங். கண்டனம்

புன்னகைக்கும் ஈஷா ரெப்பா - புகைப்படங்கள்

ராஃபா நகர் மீது இஸ்ரேல் விமானங்கள் குண்டுவீச்சு! 6 குழந்தைகள் உள்பட 9 பேர் பலி

டி20 உலகக் கோப்பையில் விளையாட 100 சதவீதம் தயாராக உள்ளேன்: தினேஷ் கார்த்திக்

SCROLL FOR NEXT