செய்திகள்

ஐபிஎல்: கரோனாவிலிருந்து மீண்ட சஹா, அமித் மிஸ்ரா, பிரசித் கிருஷ்ணா

DIN

கரோனா பாதிப்பிலிருந்து சஹா, அமித் மிஸ்ரா, பிரசித் கிருஷ்ணா ஆகிய வீரர்கள் மீண்டுள்ளார்கள்.

கரோனா சூழல் காரணமாக கடந்த வருட ஐபிஎல் போட்டி, ஐக்கிய அரபு அமீரகத்தில் நடைபெற்றது. இந்த வருடப் போட்டி இந்தியாவிலேயே நடத்தப்பட்டது. சென்னை, மும்பை, கொல்கத்தா, ஆமதாபாத், தில்லி, பெங்களூர் ஆகிய ஆறு நகரங்களில் ஐபிஎல் போட்டி நடைபெறும் என அறிவிக்கப்பட்டது. ஆரம்பத்தில் சென்னை, மும்பையில் ஐபிஎல் ஆட்டங்கள் நடைபெற்றன. அடுத்ததாக ஆமதாபாத், தில்லியில் ஆட்டங்கள் நடைபெற்று வந்தன. 

கரோனா பாதுகாப்பு வளையத்தில் இருந்தும் சில வீரா்களுக்கு கரோனா பாதிப்பு ஏற்பட்டதை அடுத்து ஐபிஎல் 2021 போட்டி காலவரையின்றி ஒத்திவைக்கப்பட்டது. 52 நாள்களுக்கு நடைபெறுவதாக இருந்த ஐபிஎல் போட்டியில் 60 ஆட்டங்கள் இடம்பெற இருந்தன. ஆனால் 24 நாள்களில் 29 ஆட்டங்கள் மட்டுமே நடைபெற்றன.

மே 4 அன்று சஹா, அமித் மிஸ்ரா ஆகியோருக்கு கரோனா வைரஸ் தொற்று உறுதியானது. அந்த நாளன்றுதான் ஐபிஎல் போட்டி ஒத்திவைக்கப்படுவதாக அறிவிக்கப்பட்டது. மே 8 அன்று பிரசித் கிருஷ்ணா கரோனாவால் பாதிக்கப்பட்டார்.

இம்மூவரும் கரோனா பாதிப்பிலிருந்து தற்போது மீண்டுள்ளார்கள். சஹாவும் மிஸ்ராவும் இதுகுறித்து தகவல் தெரிவித்துள்ளார்கள். பிரசித் கிருஷ்ணாவும் கரோனாவிலிருந்து குணமாகிவிட்டதாக அறியப்படுகிறது.

இங்கிலாந்து செல்லும் இந்திய அணியில் சஹாவும் பிரசித் கிருஷ்ணாவும் இடம்பெற்றுள்ளார்கள். மும்பையில் வசிக்கும் வீரர்கள் தவிர மற்ற வீரர்கள் மும்பையில் இன்று முதல் இரு வாரங்களுக்குத் தனிமைப்படுத்தப்படுகிறார்கள். இந்நிலையில் சில நாள்கள் குடும்பத்தினருடன் தங்கிவிட்டு மும்பைக்கு வருவதாக சஹா வைத்த கோரிக்கையை பிசிசிஐ ஏற்றுக்கொண்டுள்ளது. 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

போடி ராமா் கோயில்களில் ராம நவமி சிறப்பு பூஜை

ஜிபிஆா்எஸ் கருவியுடன் ரோந்து வாகனங்கள் தயாா்

வீட்டு மாடித் தோட்டம் அமைப்பது குறித்து வேளாண் கல்லூரி மாணவிகள் செயல் விளக்கம்

சிவகங்கை அதிமுக வேட்பாளா் இறுதிக்கட்ட வாக்குசேகரிப்பு

ராமேசுவரத்தில் ராமா், சீதை படத்துடன் பவனி

SCROLL FOR NEXT