செய்திகள்

150 பதக்கங்களைக் கடந்து முதலிடத்தில் ஆதிக்கம் செலுத்தும் சீனா!

DIN

ஆசிய விளையாட்டுப் போட்டியில் 150-க்கும் அதிகமான பதக்கங்களை வென்று பதக்கப் பட்டியலில் சீனா முதலிடத்தில் தனது ஆதிக்கத்தை செலுத்தி வருகிறது.

19-வது ஆசிய விளையாட்டுப் போட்டிகள் கடந்த செப்டம்பர் 23 ஆம் தேதி சீனாவின் ஹாங்ஸு நகரில் கோலாகலமாகத் தொடங்கியது. ஆசிய விளையாட்டுப் போட்டிகள் தொடங்கி 5 நாள்கள் முடிவடைந்துள்ள நிலையில், 150-க்கும் அதிகமான பதக்கங்களை வென்று பதக்கப் பட்டியலில் சீனா முதலிடத்தில் தனது ஆதிக்கத்தை செலுத்தி வருகிறது. 

பதக்கப் பட்டியலில் இரண்டாவது இடத்தில் உள்ள கொரியாவைக் காட்டிலும் இருமடங்கு அதிகமான பதக்கங்களை சீனா வென்று குவித்துள்ளது. 5 ஆண்டுகளுக்கு முன்னதாக இந்தோனேஷியாவில் நடைபெற்ற ஆசிய விளையாட்டுப் போட்டிகளில் சீனா கிட்டத்தட்ட 300 பதக்கங்களை வென்று ஆதிக்கம் செலுத்தியது. அப்போது சீனாவுக்கு போட்டியாக தென் கொரியா மற்றும் ஜப்பான் நாடுகள் விளங்கின. இந்த ஆண்டு ஆசிய விளையாட்டுப் போட்டியிலும் கொரியா மற்றும் ஜப்பான் ஆகிய நாடுகளே 2-வது மற்றும் 3-வது இடத்தில் சீனாவுக்குப் போட்டியாக உள்ளன.

பதக்கப் பட்டியலில்  153 பதக்கங்களுடன் (83 தங்கம், 46 வெள்ளி, 24 வெண்கலம்) சீனா முதல் இடத்திலும், 76 பதக்கங்களுடன்  (20 தங்கம், 20 வெள்ளி, 36 வெண்கலம்) கொரியா இரண்டாவது இடத்திலும், 68 பதக்கங்களுடன் (16 தங்கம், 28 வெள்ளி, 24 வெண்கலம்) ஜப்பான் மூன்றாவது இடத்திலும் உள்ளன.

25 பதக்கங்களுடன் (6 தங்கம், 8 வெள்ளி, 11 வெண்கலம்) இந்தியா பதக்கப் பட்டியலில் 5-வது இடத்தில் உள்ளது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

எனது கேள்விகளுக்கு மோடியால் பதிலளிக்க முடியாது: ராகுல்

காவேரிப்பாக்கம் அருகே கன்டெய்னா் லாரி டயா் வெடித்து விபத்து:போக்குவரத்து பாதிப்பு

மேற்கு வங்க ஆளுநா் மீதான பாலியல் குற்றச்சாட்டு: ஊழியா்கள் மூவா் மீது வழக்குப் பதிவு

இசை அறிஞா்கள், சமூகத் தொண்டா்கள் கௌரவிப்பு

தென் மாவட்டங்களில் இன்றும், நாளையும் அதிகனமழை: வானிலை மையம் எச்சரிக்கை

SCROLL FOR NEXT