உள்தமிழகத்தில் 3 டிகிரி வரை வெப்பநிலை உயர வாய்ப்பு

உள்தமிழகத்தில் பல்வேறு இடங்களில் செவ்வாய்க்கிழமை வெப்பநிலை வழக்கத்தைவிட 2 டிகிரி முதல் 3 டிகிரி வரை உயர  வாய்ப்புள்ளது.
   பொதுவாக மார்ச், ஏப்ரல், மே மாதங்கள் கோடைகாலம்.  தற்போது கோடைகாலம் நெருங்கி வரும் நிலையில், தமிழகத்தில் தற்போது குளிர் குறைந்து, மெதுவாக வெப்பநிலை உயர்ந்து வருகிறது. 
இந்நிலையில்,  உள் தமிழகத்தில் பல்வேறு இடங்களில் செவ்வாய்க்கிழமை 2 டிகிரி முதல் 3 டிகிரி வரை வெப்பநிலை உயர வாய்ப்பு உள்ளது.  உள்தமிழகத்தில் பல்வேறு இடங்களில் செவ்வாய்க்கிழமை வெப்பநிலை வழக்கத்தை விட 2 டிகிரி முதல் 3 டிகிரி வரை உயர வாய்ப்பு உள்ளது. வெப்பச்சலனம் காரணமாக, தமிழகம், புதுச்சேரியில் ஓரிரு இடங்களில்  செவ்வாய்க்கிழமை லேசான மழை பெய்ய வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது. 
3 இடங்களில் வெயில் சதம்: தமிழகத்தில் 3 இடங்களில் வெப்பநிலை திங்கள்கிழமை சதமடித்தது. அதிகபட்சமாக சேலத்தில் 102 டிகிரியும் தருமபுரியில் 101 டிகிரியும்,  திருத்தணியில் 100 டிகிரியும் வெப்பநிலை பதிவானது.