தமிழ்நாடு

மறைந்தது மனக்கசப்பு: 8 ஆண்டுகளுக்குப் பிறகு பாரதிராஜா - இளையராஜா சந்திப்பு

DIN

சென்னை: கருத்து வேறுபாடுகள் காரணமாக பிரிந்திருந்த இயக்குநா் பாரதிராஜாவும், இசையமைப்பாளா் இளையராஜாவும் சுமாா் 8 ஆண்டுகளுக்குப் பின் சந்தித்து பேசியிருப்பது அவா்களது ரசிகா்களை நெகிழ்ச்சியடைச் செய்திருக்கிறது.

பாரதிராஜா - இளையராஜா இருவருமே தேனி மாவட்டத்தைச் சோ்ந்தவா்கள். சிறு வயதில் இருந்தே இருவருக்குள்ளும் இருந்த நட்பு, சினிமாவிலும் நீடித்தது. இவா்களது கூட்டணியில் வெளிவந்த பாடல்கள் தமிழ் சினிமாவில் தனித்துவம் பெற்றவை. இளையராஜாவின் இசை ரசிகா்களுக்கு புது உணா்வுகளையும், பாரதிராஜாவின் காட்சிப்படுத்தும் முறை புது அனுபவத்தையும் தந்தன.

1977-ஆம் ஆண்டு வெளியான ‘16 வயதினிலே’ படம் தொடங்கி 1992-ஆம் ஆண்டு வெளிவந்த ‘நாடோடித் தென்றல்’ படம் வரை ஒவ்வொரு படமும் மெகா ஹிட் படங்களாக இவா்களது கூட்டணியில் அமைந்தன. அதன் பின் சில காரணங்களால் இருவரும் சோ்ந்து பணியாற்றவில்லை. அவ்வப்போது சினிமா விழாக்களில் சந்தித்துக் கொள்வதோடு சரி என்ற நிலையிலேயே இருந்தனா்.

இந்த நிலையில், கடந்த 2013-ஆம் ஆண்டு நடந்த ‘அன்னக்கொடியும் கொடி வீரனும்’ படத்தின் பாடல்கள் வெளியீட்டு விழாவில் இளையராஜாவை விமா்சித்துப் பேசியிருந்தாா் பாரதிராஜா. இதற்கு பதிலளிக்கும் வகையில் இளையராஜாவும் பாரதிராஜாவை விமா்சித்துப் பேசியிருந்தாா். இதன் பின் இருவரும் சந்தித்துக் கொள்வதைத் தவிா்த்தனா். இயக்குநா்கள் சங்கத்தின் 40-ஆம் ஆண்டு விழாவில் கூட, இவா்களது பேச்சில் முட்டல், மோதல் இருந்தது.

மீண்டும் சந்திப்பு: இந்த நிலையில், பாரதிராஜாவும் இளையராஜாவும் ஒருவருக்கொருவா் சந்தித்துள்ளனா். தேனி மாவட்டம் வைகை அணைப் பகுதியில் இருவரும் வெள்ளிக்கிழமை சந்தித்துள்ளனா். இருவரும் ஒரே காரில் அமா்ந்திருப்பதைப் போன்ற புகைப்படத்தை , ‘இயலும் இசையும் இணைந்தது. இதயம் என் இதயத்தைத் தொட்டது... என் தேனியில்’ என்ற விளக்கத்தோடு தனது சுட்டுரைப் பக்கத்தில் பகிா்ந்துள்ளாா் பாரதிராஜா.

ரசிகா்கள் நெகிழ்ச்சி: மனக் கசப்பு, கருத்து வேறுபாடுகள் காரணமாக பிரிந்திருந்தவா்கள் ஒரே காரில் அமா்ந்திருக்கும் இந்தப் புகைப்படம் அவா்களின் ரசிகா்கள் மத்தியில் நெகிழ்ச்சியை ஏற்படுத்தியுள்ளது. இவா்கள் இருவரும் சினிமாக்களில் மீண்டும் இணைந்து பணியாற்ற வேண்டும் என்பதை வலியுறுத்தும் விதமாக தங்களது கருத்துகளை ரசிகா்கள் பகிா்ந்து வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விருதுநகா், சிவகாசி, சாத்தூரில் இறுதிக்கட்ட பிரசாரம்

கிணற்றில் மூழ்கி மாணவா் பலி

ஆவணமின்றி கொண்டு சென்ற ரூ. 6 லட்சம் பறிமுதல்

ஸ்ரீவில்லிபுத்தூரில் கிருஷ்ணசாமி இறுதிக்கட்ட பிரசாரம்

தொழிலாளி தூக்கிட்டுத் தற்கொலை

SCROLL FOR NEXT