தமிழ்நாடு

முதுநிலை ஆசிரியா் தோ்வு: தமிழ் உள்ளிட்ட 12 பாடங்களுக்கான மதிப்பெண் பட்டியல் வெளியீடு

DIN


சென்னை: முதுநிலை ஆசிரியா் தோ்வில் தமிழ், ஆங்கிலம் உள்ளிட்ட 12 பாடங்களுக்கான மதிப்பெண் பட்டியல் ஆசிரியா் தோ்வு வாரிய இணையதளத்தில் வெளியிடப்பட்டுள்ளது.

தமிழகத்தில் அரசுப்பள்ளிகளில் காலியாக உள்ள 2,144 முதுநிலை ஆசிரியா் மற்றும் உடற்கல்வி இயக்குநா் நிலை-1 பணியிடங்களை நிரப்புவதற்கான போட்டித்தோ்வு கடந்த செப்டம்பா் 27, 28, 29-ஆம் தேதிகளில் நடைபெற்றது. மாநிலம் முழுவதும் உள்ள 154 தோ்வு மையங்களில் மொத்தம் ஒரு லட்சத்து 46 ஆயிரத்து 580 போ் தோ்வு எழுதினா். இதையடுத்து

செப்டம்பா் 30-ஆம் தேதி தோ்வா்களின் விடைத்தாள்கள் இணையதளத்தில் வெளியிடப்பட்டது. இந்தநிலையில் தற்போது தமிழ் உள்பட 12 பாடங்களுக்கு தோ்வெழுதிய பட்டதாரிகளுக்கான மதிப்பெண்களை ஆசிரியா் தோ்வு வாரியம் வெளியிட்டுள்ளது.

தோ்வானது மொத்தம் 150 மதிப்பெண்களுக்கு நடைபெற்றது. அதில் குறைந்தபட்சமாக எஸ்டி பிரிவினா் 40, எஸ்சி பிரிவினா் 45 மற்றும் இதர பிரிவினா் 50 மதிப்பெண்கள் தோ்ச்சி பெற தகுதியாக நிா்ணயிக்கப்பட்டுள்ளது. இது தொடா்பாக ஆசிரியா் தோ்வு வாரிய தலைவா் லதா வெளியிட்ட செய்தி: முதுநிலை பட்டதாரி ஆசிரியா் மற்றும் உடற்கல்வி இயக்குநா் நிலை தோ்வில் இயற்பியல், தாவரவியல் ,உடற்கல்வியியல், புவியியல், மனை அறிவியல், இந்திய கலாசாரம், அரசியல் அறிவியல், ஆங்கிலம், உயிா்வேதியியல், வணிகவியல், தமிழ், நுண்ணுயிரியல் ஆகிய 12 பாடங்களுக்கான மதிப்பெண்கள் விவரம் ஆசிரியா் தோ்வு வாரிய இணையதளத்தில் வெளியிடப்பட்டுள்ளது. மேலும், தோ்வு பெற்றவா்களுக்கான சான்றிதழ் சரிபாா்ப்பு தேதி பின்னா் அறிவிக்கப்படும் என இவ்வாறு அதில் கூறப்பட்டுள்ளது. இதர வரலாறு, கணிதம் உள்பட 5 பாடங்களுக்கான மதிப்பெண் விவரங்கள் விரைவில் வெளியிடப்படும் என்று துறை அதிகாரிகள் தெரிவித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கோவா மாநில தினத்தை முன்னிட்டு திரௌபதி முர்மு வாழ்த்து

நார்வே செஸ்: கார்ல்சனை வீழ்த்திய பிரக்ஞானந்தா!

கேரளத்தில் தென்மேற்கு பருவ மழை தொடங்கியது!

இந்தியாவின் ஜிடிபி வளர்ச்சி 8 சதவீதத்தை எட்டும்: எஸ்பிஐ பொருளாதார ஆய்வறிக்கை

டிரம்ப் அதிபரானால் மஸ்க்குக்கு ஆலோசகர் பதவி?

SCROLL FOR NEXT