தமிழ்நாடு

நெல்லை அரசு மருத்துவக் கல்லூரி முதல்வருக்கு கரோனா

DIN

திருநெல்வேலி அரசு மருத்துவக் கல்லூரி மருத்துவமனை முதல்வருக்கு வியாழக்கிழமை கரோனா தொற்று உறுதி செய்யப்பட்டது. 

கரோனா நோய் பரவலைத் தடுக்கும் வகையில், மாவட்ட நிர்வாகமும், மாநகராட்சி நிர்வாகமும் தொடர்ந்து பல்வேறு தொடர் நடவடிக்கைகளை மேற்கொண்டு வருகின்றனர். இருப்பினும், திருநெல்வேலி மாவட்டத்தில் தற்போது கரோனாவின் தாக்கம் அதிகரித்துக் காணப்படுகிறது. 

அதேவேளையில் கரோனா நோய் தொற்று குணமாகி வீடு திரும்புவோர் எண்ணிக்கையும் உயர்ந்துகொண்டே இருக்கிறது. இதில், தற்போது திருநெல்வேலி மாவட்டத்தில் கரோனா நோய்த் தொற்று உறுதி செய்யப்பட்டவர்களில் 60 சதவீதம் பேர் குணமடைந்து வீடு திரும்பியுள்ளனர். மீதமுள்ள 40 சதவீதம் பேர், அரசு மற்றும் தனியார் மருத்துவமனைகளில் சிகிச்சைபெற்று வருகின்றனர். 

இந்நிலையில், திருநெல்வேலி மருத்துவக் கல்லூரி மருத்துவமனை முதல்வர் ரவிச்சந்திரனுக்கு கடந்த இரண்டு நாள்களுக்கு முன்னர் உடல்நலக் குறைபாடு ஏற்பட்டது. இதையடுத்து அவர் தன்னை தனிமைப்படுத்திக்கொண்டார். அதேபோல், முன்னாள் மருத்துவக் கல்லூரி முதல்வரும், தற்போது கரோனா தடுப்பு பிரிவு மருத்துவருமான கண்ணனுக்கும் உடல் நலக்குறைபாடு ஏற்பட்டது. 

இதையடுத்து இருவருக்கும் புதன்கிழமை கரோனா பரிசோதனை மேற்கொள்ளப்பட்டது. இவர்களுக்கான பரிசோதனை முடிவுகள் வியாழக்கிழமை வெளியானது. இதில் இருவருக்கும் கரோனா தொற்று இருப்பது உறுதி செய்யப்பட்டதையடுத்து அவர்கள் இருவரும் திருநெல்வேலி அரசு மருத்துவக்கல்லூரி மருத்துவமனை கரோனா தனிமைச் சிகிச்சை பிரிவில் அனுமதிக்கப்பட்டனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பாஜக தோ்தல் அறிக்கையால் ஜனநாயகத்துக்கு பேராபத்து

அழகா் ஆற்றில் இறங்கும் வைபவம்: ஏப். 23-இல் உள்ளூா் விடுமுறை

சத்திய ஞான சபையில் இன்று ஜோதி தரிசனம்

சமயபுரம் மாரியம்மன் கோயிலில் இன்று சித்திரைத் தேரோட்டம்

பாஜக ஆட்சியில் 108 முறை பெட்ரோல்- டீசல் விலை உயா்வு : திருச்சி என்.சிவா எம்.பி. பிரசாரம்

SCROLL FOR NEXT