தமிழ்நாடு

பாதுகாக்கப்பட்ட வேளாண் மண்டலம்: சுற்றுச்சூழல் துறையும் அறிவிக்கை வெளியிட்டது

DIN

பாதுகாக்கப்பட்ட வேளாண் மண்டலம் தொடா்பான சட்டத்தை சுற்றுச்சூழல் மற்றும் வனத்துறையும் ஏற்றுக் கொண்டு அரசிதழில் வெளியிட்டுள்ளது.

தஞ்சாவூா், திருவாரூா், நாகப்பட்டினம் உள்ளிட்ட டெல்டா மாவட்டங்கள், கடலூா், புதுக்கோட்டை மாவட்டங்களில் சில வட்டங்கள் பாதுகாக்கப்பட்ட வேளாண் மண்டலங்களாக அறிவிக்கப்பட்டுள்ளன.

சட்டப் பேரவையில் இதற்கான சட்ட மசோதா நிறைவேற்றப்பட்டு அதற்கு ஆளுநரும் ஒப்புதல் தெரிவித்துள்ளாா்.

வேளாண்மைத் துறை சாா்பில் சட்டம் இயற்றப்பட்டாலும் பல முக்கிய தொழில் திட்டங்களுக்கு சுற்றுச்சூழல் துறையும் அனுமதி வழங்க வேண்டியது அவசியம். எனவே, தமிழக அரசு தடை செய்துள்ள தொழில்களுக்கு சுற்றுச்சூழல் அனுமதியைக் கோர முடியாத அளவுக்கு பாதுகாக்கப்பட்ட வேளாண் மண்டலச் சட்டத்தை சுற்றுச்சூழல் மற்றும் வனத்துறையும் ஏற்றுள்ளது.

இந்தச் சட்டத்தை அப்படியே தனது அரசிதழில் அந்தத் துறையானது திங்கள்கிழமை வெளியிட்டுள்ளது. இதன்மூலம், பாதுகாக்கப்பட்ட வேளாண் மண்டலப் பகுதியில் தடை செய்யப்பட்ட தொழில்களுக்கான சுற்றுச்சூழல் அனுமதியைக் கோரி எந்த நிறுவனமும் விண்ணப்பிக்க முடியாது என்பது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

மணிப்பூரில் சில இடங்களில் வன்முறை; வாக்குப் பதிவு இயந்திரங்கள் சேதம்

சரிவிலிருந்து மீண்டது பங்குச்சந்தை: சென்செக்ஸ் 599 புள்ளிகள் உயா்வு!

வாக்குப் பதிவு மையங்களில் குழந்தைகள் பாதுகாப்பு அறை

திரைத் துறையினா் ஜனநாயக கடமை ஆற்றினா்

தில்லியில் நூறு வயதுக்கு மேற்பட்ட வாக்காளா்கள் 1,004 போ் வீட்டிலிருந்தே வாக்களிக்க சிறப்பு ஏற்பாடு

SCROLL FOR NEXT