பாஜக - அதிமுக கூட்டணி முறிவு தொடா்பாக பாஜக தேசியத் தலைவா்களுடன் ஆலோசனை செய்வதற்காக, தமிழக பாஜக தலைவா் கே.அண்ணாமலை ஞாயிற்றுக்கிழமை(அக்.1) தில்லி புறப்பட்டுச் செல்கிறாா்.

அண்ணாமலை விமா்சனங்களைத் தொடா்ந்து, தேசிய ஜனநாயகக் கூட்டணியிலிருந்து அதிமுக விலகுவதாக, செப்.25-இல் நடைபெற்ற அக்கட்சியின் மாவட்டச் செயலா்கள் கூட்டத்தில் முடிவு எடுக்கப்பட்டது. கூட்டணி முறிவு குறித்து கட்சியின் தேசியத் தலைமை கருத்து தெரிவிக்கும் என அண்ணாமலை ஏற்கெனவே தெரிவித்திருந்தாா்.

இதற்கிடையே, செப்.26-ஆம் தமிழகம் வந்த மத்திய நிதியமைச்சா் நிா்மலா சீதாராமன், பாஜக நிா்வாகிகளிடம் அதிமுக கூட்டணி விவகாரம் தொடா்பாகவும், அதிமுகவை தவிா்த்து கூட்டணி அமைப்பதில் உள்ள சாதக, பாதகங்கள் குறித்தும் கருத்துகளைக் கேட்டறிந்தாா். இதுதொடா்பான அறிக்கையை அவா் கட்சித் தலைமையிடம் சனிக்கிழமை சமா்ப்பித்தாா்.

இதனிடையே, தமிழக பாஜக தலைவா் அண்ணாமலை தில்லியில் பாஜக தேசிய தலைவா்களை நேரில் சந்தித்து ஆலோசிக்க ஞாயிற்றுக்கிழமை (அக்.1) தில்லி செல்கிறாா்.

அப்போது, பாஜக - அதிமுக கூட்டணி முறிவு குறித்து தேசியத் தலைவா் ஜெ.பி. நட்டா, மத்திய உள் துறை அமைச்சா் அமித் ஷா உள்ளிட்ட தலைவா்களைச் சந்தித்து ஆலோசனை நடத்தவுள்ளதாகக் கூறப்படுகிறது.

தொடா்ந்து, அக்.3-ஆம் தேதி சென்னையில் உள்ள பாஜக தலைமை அலுவலகத்தில் கட்சி நிா்வாகிகள் கூட்டம் நடைபெறவுள்ளது. இதில், கூட்டணி தொடா்பாக முக்கிய முடிவு எடுக்கப்படும் என்று பாஜக வட்டாரங்கள் தெரிவித்தன.