சிறுவர்மணி

பார்க்கப் பார்க்கப் பரவசம்!

நம்பிக்கை நாகராஜன்

எங்கள் வீட்டு வாசல் பக்கம் 
இருக்கும் குருவிக் கூட்டமே
அங்கும் இங்கும் பார்த்துப் பார்த்து 
அலைந்து நின்று ஓய்ந்தது!

தட்டித் தட்டி நிலத்தில் தேடும் 
தவிப்பைப் பார்க்க முடியலே!
தானியங்கள் தரையில் கொட்டிக் 
கொடுத்துப் பசியைப் போக்கினோம்!

நாளும் நடக்கும் நடப்பை நின்று 
நேரில் பார்க்க மகிழ்ச்சியே
வேலை விடுப்பு கிடைத்ததாலே 
விரைந்து சென்றோம் ஊருக்கு!

ஊரைப் பார்த்துத் திரும்பும் போது 
குருவி நினைவு இல்லையே 
தீர்ந்து போச்சு தீனி என்று 
தெரிந்த நிலையும் இல்லையே!

கூடிக் குருவி வாசல் பக்கம் 
கூவி இரையைக் கேட்டது!
ஓடி தானியங்கள்  வாங்கி 
வாசல் நிறையத் தூவினோம்!

நாடி வந்து குருவிக் கூட்டம் 
நறுக்கி, நறுக்கித் தின்றது!
பார்க்கப் பார்க்கப் பரவசந்தான் 
பரிந்து உயிர்கள் காப்பது!

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விழுப்புரத்தில் நாளை ‘மிஸ் கூவாகம்’-2024 அழகிப் போட்டி

புதுச்சேரி தொகுதியில் 78.80% வாக்குகள் பதிவு 8,07,111 போ் வாக்களிப்பு

அரசியல் கட்சியினா் போராட்டம்

இருதரப்பினா் இடையே மோதல்: 20 போ் மீது வழக்கு

புதுவையில் இன்று ராணுவ சேவைப் பிரிவுக்கான நியமனத் தோ்வு சிறப்புப் பேருந்துகள் இயக்க ஏற்பாடு

SCROLL FOR NEXT