உலகம்

பிரேசில்: சிறைக் கலவரத்தில் 52 கைதிகள் பலி

DIN


பிரேசிலில் உள்ள சிறையில் இரு கோஷ்டியினருக்கு இடையே ஏற்பட்ட பயங்கர மோதலில் 52 கைதிகள் உயிரிழந்தனர்.
இதுதொடர்பாக, பாரா மாகாண அரசின் சிறைத் துறை அதிகாரி ஒருவர் கூறியதாவது:
அல்டமிரா பகுதியிலுள்ள சிறையில் இரு கோஷ்டியினருக்கு இடையே திங்கள்கிழமை காலையில் மோதல் மூண்டது. இதையடுத்து, ஒருவரையொருவர் கடுமையாக தாக்கி கொண்டனர். மேலும், சிறை வளாகத்தின் பல பகுதிகளில் தீ வைத்தனர். மதியம் வரை நீடித்த வன்முறையில் 52 கைதிகள் உயிரிழந்தனர். அவர்களில் 16 பேர் தலை துண்டித்து கொல்லப்பட்டுள்ளனர். மேலும் பலர் காயமடைந்துள்ளதால், பலி எண்ணிக்கை அதிகரிக்கக் கூடும். வன்முறையின்போது, இரு அதிகாரிகள் சிறைபிடிக்கப்பட்டு, பின்னர் விடுவிக்கப்பட்டனர் என்றார் அவர்.
சீனா, அமெரிக்காவுக்கு அடுத்தபடியாக அதிக கைதிகள் உள்ள நாடாக பிரேசில் உள்ளது. கடந்த 2016, ஜூன் நிலவரப்படி, அங்குள்ள மொத்த கைதிகளின் எண்ணிக்கை 7.2 லட்சமாகும். இதனால், அந்நாட்டின் சிறைகள் நிரம்பி வழிகின்றன. சிறைகளில் அடிக்கடி கலவரங்களும் நிகழ்கின்றன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

இலங்கை அரசியல்: ‘மீண்டு’ம் வரும் ராஜபட்ச சகோதரர்கள்!

பராமரிப்பு பணிக்காக காட்பாடி- திருப்பதி ரயில்கள் ரத்து: தெற்கு ரயில்வே அறிவிப்பு

தில்லி மருத்துவமனையில் தீ: 7 குழந்தைகள் உயிரிழப்பு

தீா்க்கப்படாமல் தொடரும் ஆந்திர தலைநகரச் சிக்கல்!

சாம்பியன் கொல்கத்தா நைட் ரைடா்ஸ்: ஹைதராபாத் 113/10, கொல்கத்தா 114/2

SCROLL FOR NEXT