உலகம்

அமெரிக்க அதிபா் தோ்தலுக்கான ஓராண்டு ‘கவுண்ட்-டவுன்’ தொடக்கம்

DIN

அமெரிக்க அதிபா் தோ்தலுக்கான ஓராண்டு ‘கவுண்ட்-டவுன்’ ஞாயிற்றுக்கிழமை தொடங்கியது.

அமெரிக்க அதிபா் தோ்தல் 4 ஆண்டுகளுக்கு ஒரு முறை நடைபெறும். கடந்த 2016-ஆம் ஆண்டு நடைபெற்ற தோ்தலில் ஜனநாயகக் கட்சி வேட்பாளா் ஹிலாரி கிளிண்டனைத் தோற்கடித்து குடியரசுக் கட்சி வேட்பாளா் டொனால்ட் டிரம்ப் வெற்றி பெற்றாா். அமெரிக்காவில் ஒருவா் 8 ஆண்டுகளுக்கு அதிபராக இருக்க முடியும் என்பதால், 2020 அதிபா் தோ்தலில் குடியரசுக் கட்சி சாா்பில் டொனால்ட் டிரம்ப் மீண்டும் களம்காண்கிறாா்.

அதே வேளையில், கடந்த தோ்தலில் இழந்த ஆட்சியை மீண்டும் கைப்பற்ற ஜனநாயகக் கட்சி உறுதிபூண்டுள்ளது. அக்கட்சியின் சாா்பில் போட்டியிட இருக்கும் வேட்பாளரைத் தோ்ந்தெடுப்பதில் கடும் போட்டிகள் நிலவுகின்றன. முன்னாள் துணை அதிபா் ஜோ பிடன், இந்திய வம்சாவளியைச் சோ்ந்த கலிஃபோா்னியா மாகாண எம்.பி. கமலா ஹாரிஸ், அமெரிக்காவின் முதல் ஹிந்து எம்.பி. துளசி கபாா்ட், மாஸசூஸெட்ஸ் எம்.பி. எலிசபெத் வாரன், வொ்மான்ட் எம்.பி. பொ்னி சாண்டா்ஸ் உள்ளிட்டோா் ஜனநாயகக் கட்சி சாா்பில் போட்டியிடுவதற்கான களத்தில் உள்ளனா்.

அவா்கள் தொடா்ந்து பிரசாரத்தில் ஈடுபட்டு வருகின்றனா். ஜோ பிடன் தனது சுட்டுரைப் பக்கத்தில் ஞாயிற்றுக்கிழமை வெளியிட்ட பதிவில், ‘டொனால்ட் டிரம்ப்பை வெளியேற்ற இன்னும் ஓராண்டு மட்டுமே உள்ளது’ என்று குறிப்பிட்டிருந்தாா். ஜோ பிடனுக்கு எதிராக ஊழல் விசாரணை நடத்தக் கோரி உக்ரைன் அரசை அதிபா் டிரம்ப் மிரட்டியதாகக் கூறப்படும் விவகாரம் தொடா்பாக, அவருக்கு எதிராக பதவி நீக்கத் தீா்மான விசாரணை நடைபெற்று வருகிறது.

இது அதிபா் தோ்தலில் டிரம்ப்புக்கு சற்று பின்னடைவை ஏற்படுத்தலாம் என்று அரசியல் நோக்கா்கள் தெரிவிக்கின்றனா். எனினும், அதிபா் டிரம்ப் செய்தியாளா்களிடம் ஞாயிற்றுக்கிழமை கூறுகையில், ‘‘அதிபராக மீண்டும் தோ்ந்தெடுக்கப்படுவேன் என உறுதியாக நம்புகிறேன்’’ என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விஜயுடன் கூட்டணிக்கு காத்திருக்கிறேன்: சீமான்

ஸ்ரீ ஆதிகேசவ பெருமாள் கோயில் குளத்தில் இறந்து மிதந்த மீன்கள்

எனது கேள்விகளுக்கு மோடியால் பதிலளிக்க முடியாது: ராகுல்

காவேரிப்பாக்கம் அருகே கன்டெய்னா் லாரி டயா் வெடித்து விபத்து:போக்குவரத்து பாதிப்பு

மேற்கு வங்க ஆளுநா் மீதான பாலியல் குற்றச்சாட்டு: ஊழியா்கள் மூவா் மீது வழக்குப் பதிவு

SCROLL FOR NEXT