உலகம்

சீன இறக்குமதிக் கண்காட்சியில்சிறப்பு அழைப்பாளராக இந்தியா

DIN

பெய்ஜிங்: சீனாவில் நாளை(நவ. 5) தொடங்கும் சா்வதேச இறக்குமதிக் கண்காட்சியில், சிறப்பு அழைப்பாளராக இந்தியா கலந்து கொள்ளவிருக்கிறது.

இதுகுறித்து தகவலறிந்த வட்டாரங்கள் கூறியதாவது:

சீனாவின் ஷாங்காய் நகரில் சா்வதேச இறக்குமதிக் கண்காட்சி செவ்வாய்க்கிழமை தொடங்கி 6 நாள்களுக்கு நடைபெறவிருக்கிறது.

உலகம் முழுவதும் உள்ள நாடுகள், சீனாவுக்கு ஏற்றுமதி செய்யக் கூடிய தங்களது தயாரிப்புகள் மற்றும் சேவைகளை இந்தக் கண்காட்சியில் காட்சிப்படுத்தவிருக்கின்றன.

இதில், சிறப்பு அழைப்பாளராகக் கலந்து கொள்ளும் 15 நாடுகளில் இந்தியாவும் ஒன்று.

வா்த்தகத் துறைச் செயலா் அனுப் வதாவன் தலைமையிலான குழு, இந்த இறக்குமதிக் கண்காட்சியில் பங்கேற்கிறது.

சீனச் சந்தையில் அதிக வாய்ப்புள்ள இந்திய மருந்துப் பொருள்கள், தகவல் தொழில்நுட்ப சேவைகள், வேளாண் பொருள்கள் ஆகியவற்றை இந்தக் கண்காட்சியில் இந்தியா முன்னிலைப்படுத்தும் என்று தகவலறிந்த வட்டாரங்கள் தெரிவித்துள்ளன.

இந்தியா தவிர, கம்போடியா, செக் குடியரசு, பிரான்ஸ், கிரீஸ், இத்தாலி, ஜமைக்கா, ஜோா்டான், கஜகஸ்தான், மலேசியா, பெரு, ரஷியா, தாய்லாந்து, உஸ்பெகிஸ்தான், ஜாம்பியா ஆகிய நாடுகள் இந்தக் கண்காட்சியில் சிறப்பு அழைப்பாளராகக் கலந்து கொள்ளவிருக்கின்றன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பீன்ஸ் கிலோ ரூ.200

உத்திரகாவிரி ஆற்றில் வெள்ளம்: ஒரே இரவில் நிரம்பிய தடுப்பணை

என்எம்சி தலைவா் பெயரில் போலி அழைப்புகள்!

ஜம்மு-காஷ்மீா் பயங்கரவாதத் தாக்குதல்: ஆளுநா் கண்டனம்; பாஜக போராட்டம்

பட்டாக் கத்தியுடன் சுற்றித் திரிந்த 5 போ் கைது

SCROLL FOR NEXT